Пăрачкав

Пăрачкав, Părackav — Чăваш Енри Пăрачкав районĕн тĕпĕ. Ял Сăр юханшывăн хĕрринче вырнаçнă.

Пăрачкав выр. Порецкое Ялав Герб Патшалăх РаççейРаççей Федераци субъекчĕ Чăваш ЕнЧăваш Ен Муниципаллă район [[Пăрачкав районĕ|]] Ял тăрăхĕ Пăрачкав Координатсем 55°11′54″ с. ш. 46°19′47″ в. д. Никĕсленĕ [[1616]] Наци йышĕ вырăссем 82%, ирçесем 14%, чăвашсем 3% Вăхăт тăрăхĕ UTC+4 Телефон кочĕ +7 83543 Почтă индексĕ 429020 Автомобиль кочĕ 21, 121 ОКАТО кочĕ 97 235 855 001

Халăх йышĕ, ял тытăмĕ

Пăрачкавра вăтам шкул, профессипе техника училищи, лаша спорчĕн шкулĕ, ача-пăча ӳнер шкулĕ, историпе тăван ен тĕпчев музейĕ, 2 вулавăш, культура керменĕ ĕçлет.

2010-мĕш çулхи çыравпа ялта 5825 çын, çав шутра 2639 арçын, 3186 хĕрарăм пурăннă.

1959	1970	1979	1989	2002	2010.
5 217	5 515	6 140	6 502	6 482	5 825

Кун-çулĕ

Пăрачкава Хаяр Йăван Хусана илнĕ хыççăн никĕсленĕ. 1591 çулхи çулçырăвĕ тăрăх паллă ĕнтĕ, Мускав патшалăхĕнче пăлхав çĕкленнĕ. Пăлхава пусарнă хыççăн 500 патнелле кнеçе, пуяра тата ытти сумлă çынсене пушă çĕрлĕ Сăр тăрăхне хăваласа янă. Çамккисем çине паллă лартнă пулнă — ыттисем çав йĕксĕк ĕçе хутшăнасран хăраччĕр тесе. Çав çамка çинчи паллăсем пирки малтан яла Лобачёвка (Çамкакасси) ят панă пулнă.

Каярах ку вырăна ытти çынсем пурăнма киле пуçланă — мăкшăсем, тутарсем, чăвашсем. Ял урамĕ тăсăла-тăсăла юханшыв хĕррине çитнĕ. Çынсем яла вара «по реце» (хальхи выр. по реке, (чăв. шыв тăрăх) теме пуçланă. Çапла вара ял ячĕ те улшăннă.

Историллĕ хутсенче яла пĕрремĕш хут 1616 çулта асăннă. Çур ĕмĕр иртсен вăл вулăс тĕпĕ пулса тăнă. Крепăç правине пăрахăçличчен ку çĕрсем пĕр хуçаран тепĕр хуçана куçса пынă. Малтан А.Сицкий кнеçĕн çĕрĕ пулнă, каярах Морозовсемпе Нарышкинсен пултаруллă пуярсен.

Вăхăт иртсен вăл Анна Иоановна патша майри юратнă Салтыков графа лекнĕ. Темиçе çул хушши ку çĕрсем çинче I-мĕш Пётр ывăлĕ, Алексей тикки хуçаланнă. Юлашки вăхăтра ку çĕрсем П. Мятлев аллинче пулнă.

Пĕррехинче Пăрачкаври Кожин А.А. çĕр айĕнче пурлăх шыраса тупнă. Пер самантра пуйса кайнăскер вăл кивĕ йывăç чиркӳ вырăнне чулран чиркӳ тума шутланă. Çапла вара Пăрачкавра 1723 çулта Троица соборне хăпартнă.

Паллă ентешсем

• Мишутин Николай Степанович, çыравçă.
• Мятлев Иван Петрович, Пăрачкавра çĕр хуçи пулнă, сăвăç.
• Петухов Пётр Михайлович, çыравçă.
• Сусленников Николай Петрович, сăвăç.
• Ухов Пётр Федотович, литература тĕпчевçи, филологи ăслăхĕсен кандидачĕ.
• Фролов Иван Александрович, çыравçă.
• Шлямин Борис Александрович, çыравçă, геологи ăслăхĕсен тухтăрĕ.

Культура

Ялта вырăсла «Порецкие вести» (Пăрачкав хыпарĕсем) хаçат тухса тăрать.

Каçăсем

• Пăрачкав ял тарăхĕн сайчĕ
• Чăваш Ен пурăнан вырăнсем(ĕçлемен каçă)