Чăваш Википедийĕ
Чăваш Википедийĕ — Википедин чăваш чĕлхиллĕ уйрăмĕ. 2004 çулхи чӳкĕн 22-мĕшĕнче уçăлнă. 2025 çулхи пушăн 2-мĕшĕ тĕлне 57 465 статьяна кĕртнĕ.
 Чăваш Википедийĕ | |
 | |
 | |
| URL: | cv.wikipedia.org |
|---|---|
| Проект пахалăхĕ: | Ыркăмăллă |
| Сайт тĕсĕ: | Эрешлĕ энциклопеди |
| Регистраци: | Кирлех мар |
| Чĕлхе: | чӑвашла |
| Харпăрçă: | Фонд Викимедиа |
| Ĕçе пуçланă: | 22 Чӳк уйӑхӗн 2004 |
| Статья шучĕ: | 57 727 |
| Страница шучĕ: | 119 264 |
| Тӳрлетӳ шучĕ: | 855 295 |
| Регистрланă хутшăнакан: | 37 594 |
| Хастар хутшăнакан: | 42 |
| Администраторсем: | 2 |
| Тарăнăш: | 8,1 |
| Номер, статья шучĕпе | 102 |
Чăваш уйрăмне Вырăс уйрăмĕнчен чылай статьяна, аврине (шаблона) куçараççĕ.
Кун-çулĕ
2004 çулта Kostik Vento хутшăнакан Викимедиа Фондне чăваш уйрăмне уçас тесе ыйтса çыру ярать.
2004 çулхи чӳкĕн 22-мĕшĕнче Untifler (Илья Евлампиев) хутшăнакан (вăлах тутарпа пушкăрт уйрăмсене никĕсленĕ) Чăваш чĕлхи статьяна Википедине çырса кĕртнĕ.
2006 çулхи пуш уйăхĕн 9-мĕшĕнче пирĕн уйрăм 2000-мĕш статьяпа — Тутарстанăн Çĕпрел районĕ — тулать! Çав çулхи çурлан 22-мĕшĕнче Чăваш Википединче 4000 ытла статья[1].
2007 çулхи кăрлач уйăхĕнче Чăваш уйрăмĕ 5000 статья шайĕнчен иртсе каять. Çав çултах авăнăн 13-мĕшĕ тĕлне Википедине 6000 ытла статья кĕрет[2][3]
2008 çулхи кăрлачăн 14-мĕшĕнче уйрăм 7000 статьяпа пуянланать!
2009 çулхи акан 6-мĕшĕнче ирĕклĕ чăваш энциклопединче 10 000 статьяна çитеть[4].
Википеди никĕслевçи Джимми Уэйлс пĕтĕм тĕнчери Фонд Викимедиа конференцинче (Викимани 2009) Чăваш Википедийĕ тĕслĕхĕпе Википеди проекчĕ çухалма тыттăннă чĕлхесене пулăшу кӳни пирки хыпарлать[5].
- 2010 çулхи юпа уйăхĕнче пирĕн 11 600 ытла статья.
- 2011 çулхи çурлан 31-мĕшĕнче эпир 13 000 статьяран иртрĕмĕр.
- 2013 çулхи раштавăн 3-мĕшĕ тĕлне 20100 статья кĕртнĕ.
- 2014 çулхи çурлан 1-мĕшĕнче Вавилов Николай Иванович статья пирĕн уйрăма 30 пине çити хăпартрĕ.
- 2022 çулхи юпан 17-мĕшĕнче Шерлок Холмс тата Ватсон тухтăр темтепĕр курнисем: Агра капăр-пурлăхĕ статьяпа пирĕн уйрăм 50 пине çитрĕ.
Хатĕр-хĕтĕрлĕхĕ
Аппарат хатĕрлĕхĕ. Чăваш Википедийĕ, ыттисемпе пĕрле 990 сервертан тытăнса тăракан кластер çинче ĕçлет[6].
Программа хатĕрĕ. MediaWiki движок ĕçлет. Тĕплĕнрех MediaWiki версийĕ пирки кунта çырнă.
Ăшĕнчи. Статьясен массивĕ (57 727), спецстраниц массивĕ.
Вуламалли
- Байков В. Д., Байков Д. В., Крылова Е. В. Википедия и YouTube для всех. — Мускав, ДМК Пресс, 2013. — 240 с. — ISBN 978-5-94074-874-8.
Асăрхавсем
- ^ Чувашская Википедия перешла рубеж в 4000 статей
- ^ http://lenta.ru/news2/2007/09/04/wikipedia/ 2012 ҫулхи Ҫу уйӑхӗн 12-мӗшӗнче архивланӑ. Чăваш Википединче 6000 ытла статья
- ^ http://mk-mk.facebook.com/topic.php?uid=2230443281&topic=3521(ĕçлемен каçă) Чувашская Википедия более 6000 статей
- ^ Википедин чăваш уйрăмĕнчи статья шучĕ 10 000 иртрĕ
- ^ State of the Wiki. Презентация Джимми Уэйлса на «Викимания 2009»
- ^ Wikimedia Grid Report (акăлч.). çăлкуçран архивланă 23 Ҫӗртме уйӑхӗн 2012. Тĕрĕсленĕ 31 Ҫу уйӑхӗн 2012.
Çавăн пекех
Каçăсем
- Мобиллĕ версийĕ
- Статистика 2009 ҫулхи Ака уйӑхӗн 30-мӗшӗнче архивланӑ.
- Викиманире Чăваш Википедийĕ пирки
- Статистика Чувашской Википедии 2012 ҫулхи Нарӑс уйӑхӗн 24-мӗшӗнче архивланӑ.
- В списке языковых Википедий
- Wikipedia Statistics 2010 ҫулхи Кӑрлач уйӑхӗн 26-мӗшӗнче архивланӑ.
- Чăваш уйрăмĕ Википедисен йышĕнче
- Николай Плотников: «Родное лучше видится на расстоянии…»
- Александр Блинов: «Пользование технологией вики становится нормой» 2021 ҫулхи Ҫӗртме уйӑхӗн 17-мӗшӗнче архивланӑ.
- Игорь Алексеев: «Чăваш чĕлхи интернета парăнтарать»(ĕçлемен каçă) (чăв.)
- "Киләчәген кайгырткан халык үз телен һәм мәдәниятен үстерүгә акча табарга тиеш"(тутар.)