Википеди:Пирĕн уйрăмăн кун-çулĕ
Чăваш Википедийĕ — чăваш чĕлхипе хайланă ирĕклĕ энциклопеди.
Хронологи
тӳрлет2004 çулта Kostik Vento хутшăнакан Викимедиа Фондне чăваш уйрăмне уçас тесе ыйтса çыру янă.
Пирĕн тăван кĕтесĕн çуралнă кунĕ 2004 çулхи чӳкĕн 22-мĕшĕ пулать — Untifler (вăлах тутарпа пушкăрт уйрăмсене никĕсленĕ) википедие Чăваш чĕлхи пĕрремĕш статьяна çырса вырнаçтарнă. Раштавăн 16-мĕшĕнче Тĕп страница калăпланать.
2005 çулхи кăрлачăн 14-мĕшĕнче çĕнĕ статья — Николаев Андриян Григорьевич — хушăнать. Нарăсăн 3-мĕшĕ Чăваш Википедине Шупашкар статьяпа савăнтарать. Акан 13-мĕшĕнче Чăваш уйрăмĕ аталанма пуçлать: статьясен йышĕ кунран кун ӳсет. Акан 14-мĕшĕ тĕлне Википедин чăваш уйрăмĕнче 10 статья ытла! 10 статья хушшинче: Чăвашсем, Николаев Андриян Григорьевич, Яковлев Иван Яковлевич, Лапсар, Фёдоров Николай Васильевич, Чăваш Республики, Шупашкар, Çĕрпӳ, Чăваш чĕлхи, 1868, Фёдорова Любовь Владимировна, Чӑваш чӗлхи алфавичӗ, Вырăс чĕлхи, Раççей.
2006 çулхи пуш уйăхĕн 9-мĕшĕнче пирĕн уйрăма 2000 статья пуянлатать! 2000-мĕш статья — Тутарстанăн Çĕпрел районĕ. Çурлан 22-мĕшĕнче Чăваш Википедийĕ 4000 статья шутĕнчен иртет[1] Чӳкĕн 22-мĕшĕнче 4500-мĕш статья — Лава (юханшыв) — кун çути курать.
2007 çулхи кăрлач уйăхĕнче Чăваш уйрăмĕнче 5000 статья ытла пулса тăрать. Авăнăн 13-мĕшĕ тĕлне Чăваш Википединче 6000 ытла статья[2][3]
2008 кăрлачăн 14-мĕшĕнче уйрăм 7000 статьяпа — Чăваш тĕнчи — тулать. Утă уйăхĕн 17-мĕшĕнче Чăваш Викинче 8000 статья ытла! 8000-мĕш статья — Рогачёв Яков Капитонович.
2009 çулта, ака, 6-мĕшĕ Чăваш Википедишĕн паллă уяв шутланать: эпир 10 000 статья шайĕнче çӳле улăхрăмăр темелле[4]. Тулли нумĕрлĕ статья — Хайдеггер Мартин.
Википеди никĕслевçи Джимми Уэйлс пĕтĕм тĕнчери Фонд Викимедиа конференцинче (Викимани 2009) Чăваш Википедийĕ тĕслĕхĕпе Википеди проекчĕ çухалма тыттăннă чĕлхесене пулăшу кӳни пирки хыпарлать[5].
2010 çулхи нарăсăн 13-мĕшĕ тĕлне Википедин Чăваш уйрăмĕнче 11 000 статья. Тулли нумĕрлĕ статья — Монгол чĕлхи. Юпа уйăхĕнче 11 600 ытла статья.
2011 çулхи çурлан 31-мĕшĕнче Википедин Чăваш уйрăмĕнче 13 000 статья. Тулли нумĕрлĕ статья — Scapa (виски).
2013 çулхи раштавăн 3-мĕшĕ тĕлне 20100 статья кĕртнĕ.
2014 çулхи çурлан 1-мĕшĕнче Вавилов Николай Иванович статья пирĕн уйрăма 30 пине çити хăпартрĕ.
2022 çулхи юпан 17-мĕшĕнче Шерлок Холмс тата Ватсон тухтăр темтепĕр курнисем: Агра капăр-пурлăхĕ статьяпа пирĕн уйрăм 50 пине çитрĕ.
Асăрхавсем
тӳрлет- ^ Чувашская Википедия перешла рубеж в 4000 статей
- ^ http://lenta.ru/news2/2007/09/04/wikipedia/ Чăваш Википединче 6000 ытла статья
- ^ http://mk-mk.facebook.com/topic.php?uid=2230443281&topic=3521 Чувашская Википедия более 6000 статей
- ^ Википедин чăваш уйрăмĕнчи статья шучĕ 10 000 иртрĕ
- ^ State of the Wiki. Презентация Джимми Уэйлса на «Викимания 2009»