Мăн Вылă

Мăн Вылă — Чăваш Енĕн Элĕк районĕнчи чиркӳллĕ ял, Мăн Вылă ял тăрăхĕн тĕпĕ.

Мăн Вылă Ялав Герб Патшалăх РаççейРаççей Федераци субъекчĕ Чăваш ЕнЧăваш Ен Муниципаллă район Элĕк Ял тăрăхĕ Мăн Вылă Координатсем 55° с. ш. 46° в. д. Вăхăт тăрăхĕ UTC+4 Телефон кочĕ +7 83535 Почтă индексĕ 429240 Автомобиль кочĕ 21, 121 ОКАТО кочĕ 97 205 873 001

Ял тытăмĕ, халăх йышĕ

Мăн Вылă Вылă шывĕ çумĕнче вырнаçнă. Салара 626 çын (2006) пурăнать. Ялта пилĕк урам: Ленин, Çырма енчи, Совет, Кооператив, Калинин урамĕсем.

"Выла" ансамбль ĕçлет.

Кун-çулĕ

1917 çулчен Етĕрне уесĕн Элĕк вулăсĕнче шутланнă. 1927 çулхи юпа уйăхĕн 1 хыççăн Элĕк районне, 1962 çулхи раштав уйăхĕн 20 хыççăн Вăрнар районне кĕртнĕ. 1965 çулхи пуш уйăхĕн 14 хыççăн хальхи вăхăтчен Элĕк районне кĕрет.

Пугачев палхавĕ Элĕк районĕ урлă иртсе кайнă. Емельян Пугачев Мăн Вылăра чарăнса тăнă. Чиркӳре ĕçлекенсене хытă хĕстернĕ, çемçен каласан. 100 казака арьергардра кунтах хăварнă. Патша çарĕсем кунта çитсен, çапăçу пулса иртнĕ: 50 казакĕ çапăçса вилнĕ, ыттисем ял çыннисем хушшинче саланса пытаннă. Вара çăлăнса юлнисем çакăнтах юлнă, кунтах хăйсен кил-йышне йĕркеленĕ.

Паллă çынсем

• Андреев Олег — СССР спорт ăсти.
• Алексеева Мария Хрисанфовна — Раççей Федерацин тата Чăваш Енĕн тава тивĕçлĕ вĕрентӳçи.
• Арсентьева Юлия Арсентьевна — педагогика ăслăхĕн кандидачĕ.
• Ермолаев Авенир Хрисанович — Чăваш Енĕн физкультурăпа спорт тава тивĕçлĕ ĕçченĕ.
• Ермолаев Хрисанф Ермолаевич — Элĕк районĕн Хисеп кĕнекине кĕртнĕ.
• Иванов Александр Иванович — физикăпа математика ăслăлахĕсен кандидачĕ
• Михайлова Елена Михайловна — Элĕк районĕн Хисеп кĕнекине кĕртнĕ.
• Смирнова Галина Ивановна — Чăваш Енĕн халăх артисчĕ.
• Семёнов Василий Семёнович — Чăваш Енĕн физкультурăпа спорт тава тивĕçлĕ ĕçченĕ,

Раççей Федерацин тава тивĕçлĕ тренерĕ.

• Семёнов Виктор Семёнович — Раççей Федерацин физкультурăпа спорт тава тивĕçлĕ ĕçченĕ, педагогика ăслăхĕн кандидачĕ.
• Семёнов Геннадий Семёнович — Раççей Федерацин тава тивĕçлĕ тренерĕ.

Вуламалли

• "Аликовская энциклопедия", редколлегия: Ефимов Л.А., Ефимов Е.Л., Ананьев А. А., Терентьев Г. К., Шупашкар, 2009, ISBN 978-5-7670-1630-3.
• Л.И.Ефимов, "Элĕк Енĕ", Элĕк, 1994.
• "Аликовскому району 75 лет. Очерки и материалы по истории района", под ред. Л. А. Ефимова, Шупашкар, 2002.