Алентей Григорий Тимофеевич

Алентей Григорий Тимофеевич (паспортри хушамачĕ Алендеев), (1903 çулхи акан 25-мĕшĕ, Çĕрпӳ уесĕ, (халĕ Чăваш Енĕн Вăрмар районĕ) Кĕтеснер ялĕ — 1974 çулта Шăхасан ялĕ, Чăваш АССР) — чăваш сăвăçĕ, прозăçĕ.

Григорий Алентей
Çуралнă вăхăт:	1903, ака, 25
Çуралнă вырăн:	Кĕтеснер ялĕ, Çĕрпӳ уесĕ, Хусан кĕперни (халĕ Чăваш Енĕн Вăрмар районĕ)
Вилнĕ вăхăт:	1974
Вилнĕ вырăн:	Шăхасан ялĕ
Ĕçлев тĕсĕ:	чăваш çыравçи тата сăвăçĕ

Пурнăçĕ

1903 çулхи ака уйăхĕн 25-мĕшĕнче Çĕрпӳ уесĕнчи (халĕ Чăваш Енĕн Вăрмар районĕ) Кĕтеснер ялĕнче çуралнă.

Хусанти педагогика курсĕсенче, Мускаври Тухăç халăхĕсен институчĕнче вĕреннĕ. Канаш хаçачĕн редакторĕн çумĕ вырăнĕнче, парти органĕсенче ĕçленĕ.

1974 çулта Шăхасан ялĕнче вилнĕ.

Пултарулăх ĕçĕсем

Кĕнекисем:

• «Пирĕн сăвă» (1925);
• «Калавсем» (1952);
• «Тантăшсем» (1962).

А. Купринăн «Шурă пудель» (Белый пудель), Р. Джованьонин «Спартак», тата ытти произведенисене чăвашла куçарнă.

Çавăн пекех М. Трубина, В. Рзай, А. Эсхель, Л. Агаков, В. Урташ тата ытти çыравçăсен пултарулăхĕ çинчен литература тишкерӳçи статьясене çырнă.