Пиçенер

Пиçенер — Чăваш Енĕн Элĕк районĕн ялĕ. Вăл Юнтапа ял тăрăхĕ шутне кĕрет.

Пиçенер Ялав Герб Патшалăх РаççейРаççей Федераци субъекчĕ Чăваш ЕнЧăваш Ен Муниципаллă район Элĕк Ял тăрăхĕ Юнтапа Координатсем 55° с. ш. 46° в. д. Наци йышĕ чăвашсем Конфесси йышĕ православсем Вăхăт тăрăхĕ UTC+4 Телефон кочĕ +7 83535 Почтă индексĕ 429240 Автомобиль кочĕ 21, 121 ОКАТО кочĕ 97 205 873 001

Халăх йышĕ, ял тытăмĕ

Пиçенерте 134 çын (2006) пурăнать. Урамĕсем: Иванов, Пролетари, Совет, Çырма, Улăх урамĕсем. Халĕ яла газ кĕртнĕ.

1781 çулта ялта 14 кил шутланнă, 1859 çул тĕлне — 35 кил, 118 арçынпа 126 хĕрарăм, 1907 — 351 çын, 1926 ç. 81 килте 376 çын пурăннă.

Тавралăхĕ

Ял çумĕпе Сурăм шыв юхать. Пиçенер Элĕкрен тухăç еннелле 12 çухрăмра вырнаçнă.

Этимологи

"Пиçенер" гироним — мари чĕлхинчен кĕнĕ теме пулать. Çавăн ятлă юханшыв та пур район çĕрĕнче. Пиçенер сăмаха чăвашла куçарсан (пиçе — хăвăрт + энгер — шыв) хăвăрт юхакан шыв тенине пĕлтерет.

Истори

1917 çултанпа 1927 çулчен Етĕрне уесĕн Асакасси вулăсне кĕнĕ.

1927 çулхи юпа уйăхĕн 1 Элĕк районне, 1962 çулхи раштав уйăхĕн 20 хыççăн Вăрнар районне кĕнĕ. 1965 çулхи пуш уйăхĕн 14 хыççăн каллех Элĕк районне кĕртнĕ.

Паллă çынсем

• Митрасов Юрий Никитич, ЧР тава тивĕçлĕ ăслайçи (2003), хими ăслăхĕсен тухтăрĕ (2006), профессор.
• Михайлов Анатолий Тимофеевич, — ЧР тава тивĕçлĕ юрисчĕ.

Вуламалли

• Л. И. Ефимов, "Элĕк Енĕ", Элĕк, 1994.
• "Аликовская энциклопедия", редколлегия: Ефимов Л.А., Ефимов Е.Л., Ананьев А. А., Терентьев Г. К., Шупашкар, 2009, ISBN 978-5-7670-1630-3.
• "Аликовскому району 75 лет", Л. А. Ефимов хатĕрленĕ, Шупашкар, 2002.