Етĕрне районĕ

	Етĕрне районĕ
Герб;	Ялав;
Патшалăх	РФ
Статус	муниципаллă район
Кĕрет	Чăваш Ен
Администраци центрĕ	Етĕрне хула
Йĕркеленĕ вăхăт	1927, авăн, 27
Район администрацин пуçлăхĕ	Кузьмин Владимир Николаевич
Официаллă чĕлхе	чăваш, вырăс
Пурăнан халăх (2010);	26 065 (2,11 %, 7-мĕш вырăн)
Йышлăх	28,92 çын/çм²
Наци йышĕ	чăвашсем - 84%, вырăссем - 15%
Лаптăк	901,21 çм² (9-мĕш вырăн)
Вăхăт тăрăхĕ	MSK (UTC+3)
Телефон кочĕ	+7 83535
Почтă индексĕсем	429240
Сайчĕ

Етĕрне районĕ, — Чăваш Республикин (РФ) администрациллĕ-территориллĕ виçи тата муниципаллă йĕркеленӳ (муниципаллă район).

Тавралăхĕ

Çурçĕр енче Мари Эл республикипе юнашар вырнаçнă, хĕвеланăç енче — Чулхула облаçĕпе. Хĕвелтухăç енче Муркаш районĕ, кăнтăрта Хĕрлĕ Чутай районĕпе Элĕк районĕ вырнаçнă. Районăн çĕр лаптăкĕ 897,5 км². Район администрацийĕ Шупашкартан 79 çухрăмра вырнаçнă Етĕрне хулинче вырнаçнă.

Район пуçлăхĕ - Кузьмин Владимир Николаевич. Район тăрăх Сăрăпа Вылă юханшывсем юхаççĕ. Район климачĕ вăтам континентлă. Хĕлсем нумая пыраççĕ, çăвĕсем ăшă, хăшпĕр чухне шăрăх та. Утă уйăхĕнче вăтам температура +18,6°С танлашать, кăрлач уйăхĕнче — -13°С. Чи сивĕ температура -44°С пулнă, чи шăрăххи — 38°С.

Истори

Района 1927 çулхи авăн уйăхĕн 27-мĕшĕнче туса хунă.

Халăх йышĕ, район тытăмлăхĕ

2010 çулта халăха çырнипе Етĕрне районĕнче чи йышлă халăх — чăвашсем (80% ытла). Вырăссем ытларах Етĕрнере тата Чулхула облаçĕпе чикĕ тытакан — Полянки, Йăвански, Чаканар, Засурки, Кĕçĕн Чураш, Заштранкă, Стрелецки, çаплах чăвашсемпе пĕрле Совхозный, Никитин, Никольское тата Орпа Павлово ялĕсенче — пурăнаççĕ.

Наци йышĕ, 2010 çул ^[3]
Нациллĕх	Йышсем
Чăвашсем	81,57% (24 441)
Вырăссем	15,71 % (4 707)
Тутарсем	0,15 % (45)
Марисем	0,44 % (131)

Гимн

«Ман районӑм - Етӗрне».

Сӑр ҫинче выртать илемлӗн

Юмахри пек сарӑлса.

Ман ҫӗршывӑм, Етӗрнейӗм,

Юрлар сана мухтаса.

Хушса юрламалли:

Ҫирӗплен эс, чечеклен,

Ман районӑм - Етӗрне.

Пултаруллӑ та ӗҫчен –

Тивӗҫ эс мухтав ятне.

Кашласа ларать вӑрманӗ,

Улӑхсем мӗнле хитре.

Тырри-пулли куҫ виҫеймӗ

Сарӑ тумлӑ уй-хирте.

Хушса юрламалли:.

Ҫыннисем пит тараватлӑ,

Эпир пурте пӗр ҫемье.

Ҫӗнелсе ҫӗклен хӑватлӑ

Савнӑ ҫĕр - ҫӗршыв-анне.

Хушса юрламалли:

Паллă çынсем

Аркадий Павлович Айдак — ССРП халăх депутачĕ (1989—1991 çç.), Етĕрне районĕн хисеплĕ гражданинĕ, «Ленинская Искра» колхоз председателĕ.
Артемьев Александр Спиридонович (1924—1998) — чăваш прозăçи, сăвăçĕ тата литература критикĕ, тăлмач.
Лаптев Валерий Янович, — спортсмен, боксер.
Юн Тани, — чăваш киноактриси.

Çав. пекех

Асăрхавсем

^ Итоги Всероссийской переписи населения 2020 года (по состоянию на 1 октября 2021 года) (рус.)
^ Чувашская Республика. Общая площадь земель муниципального образования
^ Итоги::Чувашстат. www.chuvash.gks.ru. Тĕрĕсленĕ 29 Кӑрлач уйӑхӗн 2018.

Вуламалли

Каçăсем

Ку Чăваш Енĕн географипе вĕçлемен статья. Эсир статьяна тӳрлетсе тата хушса проекта пулăшма пултаратăр.

[_76df4a3c76794ee8-1] Итоги Всероссийской переписи населения 2020 года (по состоянию на 1 октября 2021 года) (рус.)

[97_8006001-2] Чувашская Республика. Общая площадь земель муниципального образования

[3] Итоги::Чувашстат. www.chuvash.gks.ru. Тĕрĕсленĕ 29 Кӑрлач уйӑхӗн 2018.

[2]

[3]