Пиктемир Николай Никитич

Пиктемир Николай Никитич (1906 çулхи раштавăн 3-мĕшĕ, Шемшер ялĕ, Шупашкар районĕ, Чăваш АССР — 1944, вăрçă хирĕ) — чăваш сăвăçи, тăлмачĕ.

Николай Никитич Пиктемир
Çуралнă вăхăт:	1906, раштав, 3
Çуралнă вырăн:	Шемшер ялĕ, Шупашкар районĕ, Чăваш АССР
Вилнĕ вăхăт:	1944
Вилнĕ вырăн:	вăрçăра
Ĕçлев тĕсĕ:	чăваш çыравçи тата тăлмачĕ

Пурнăçĕ

1906 çулхи раштавăн 3-мĕшĕнче халĕ Чăваш Енĕн Шупашкар районне кĕрекен Шемшер ялĕнче çуралнă.

Шемшерти хресчен çамрăкĕсен шкулĕнче, Шупашкарти тĕп педагогика техникумĕнче вĕреннĕ. Ачасене шкулта вĕрентнĕ, «Сунтал» журналăн тата «Канаш» хаçатăн редацисен литература ĕçтешĕ пулнă.

1944 çулта вăрçăра пуçне хунă.

Пултарулăх ĕçĕсем

«Колхоз ачисем» кĕнекен хуплашки

1932 çулта унăн «Колхоз ачисем» ятлă кĕнеки пичетленсе тухнă. Çавăн пекех вăл В. Гюго, А. Чехов, М. Шолохов, М. Лермонтов, Вашингтон Ирвинг, А. Голубева тата ыттисен ĕçĕсене чăвашла куçарнă. Çынсем унăн ачасем валли çырнă сăввисене питĕ кăмăлланă.

Вуламалли

• Афанасьев П. Писатели Чувашии, Шупашкар, 2006.
• Журналисты Чувашии. - Чебоксары, 2005.
• Населенные пункты Чебоксарского района Чувашской Республики: Справочник. - Чебоксары, 2008.
• Павлов Л.П., Станьял В.П. Сторона моя Чебоксарская. - Кугеси, 1997.
• Çулталăк кĕнеки, 2001, Шупашкар, 2000.
• Шупашкар районенче суралса усне сыравсасем. - Кукес, 2002.
• Ялгир П., Чăваш литератури энциклопедийĕ. - Кукес, 2000

Каçăсем

• Пиктемир (Никитин) Николай Никитич (03.12.1906-1943), сăвăç, тăлмач 2018 ҫулхи Авӑн уйӑхӗн 24-мӗшӗнче архивланӑ.