Салампи юрри

"Салампи юрри" — ĕлĕкрех халăхра анлă сарăлнă юрă. Сăввине Александр Артемьев çырнă, кĕввине çыраканĕ паллă мар, çавна май ăна хăш-пĕр чухне халăх юрри те теççĕ. Юрра чăн малтан халăх çине кăлараканĕ Тамара Чумакова пулнă пулас. Вăл вăхăтри майпа усă курса юрри тăрăх Шупашкарта Атăл хĕрринчи фонтан таврашĕнче киносюжет та ÿкернĕ, каярахпа çак вырăна Юрату сăмсахĕ теме тытăннă.

Салампи юрри
Юрă
Жанр	лирикăлла юрă
альбомĕн трек-лисчĕ
-

"Салампи юрри"

Çӳл тӳпере çăлтăр вылять,
Сан куçу пек йăлтăртатса.
Чул хушшипе тăр шыв юхать,
Сан куллу пек шăнкăртатса.
 
Сывлăм ӳкет садсем çине,
Кĕмĕл сапса тăван çĕре.
Ăçта-ши эс çак каçхине?
Сана кĕтсе çунать чĕрем.
 
Пĕччен ытла кичем мана,
Сансăр мĕнле çĕр ирттерес?
Мĕн пулчĕ-ши, тусăм, сана?
Ăçта-ши эс? Кампа-ши эс?
 
Шуçăм çути çӳл тупере —
Пуриншĕн те килет ыр кун;
Сӳнми çунать хĕрӳ чĕрем,
Саншăн çунать ман çамрăк чун.

Çавăн пекех пăхăр

• Салампи (роман)

Каçăсем

• 036 САЛАМПИ ЮРРИ ТАЛАНТЫ МИРА
• "САЛАМПИ ЮРРИ". Валентина Попова юрлать.