Буйнакск

Буйнакск — Раççейри хула, Мăн Кавказ умĕнчи сăртсем хушшинче Шура-Озень юханшыв хĕрринче вырнаçнă. Армавир-Баку чукун çул çинчи вĕçĕнчи станци. Махачкаларан 41 çухрăмра ларать.

Халăх йышĕ

1970 çулта 40 пин çын, 2006 çулта 61,5 пин çын пурăннă.

Истори

Буйнакска 1834 çулта хӳтлĕх вырăнĕ валли никĕсленĕ. 1866 çултанпа вара хула шайне кĕнĕ. 1970 çулхи çу уйăхĕнче çĕр чĕтренĕвĕ хулана самай сиен кӳнĕ.

Экономика

Хулара консерва кăларакан, атă-пушман çĕлекен, агрегат, шина юсакан заводсем, пир-авăр фабрики пур.

Этеплехпе çутĕç

Пĕлӳ парас енĕпе кунта ял хуçалăх тата коопераци техникумĕсем, 3 педагогика тата пĕр медицина училищи вырнаçнă. Çавăн пекех хăнасем историпе революци музейне кĕрсе курма пултараççĕ, драма театрĕ пур.