Шупашкар ӳнер вĕрентĕшĕ

Шупашкар ÿнер вĕрентĕшĕ — Вăтам Атăлçири ÿнер вĕрентĕшĕ, Шупашкар хулинче вырнаçнă.

Кун-çулĕ

Вĕрентĕше 1934-мĕш çулхи утă уйăхĕн 28-мĕшĕнче никĕсленĕ. Улатăр типографин ФЗУ шкулĕ çумĕнчи гравюра уйрăмĕнчен пулса тухнă. 1936-мĕш çулта шкултан ÿнер-гравёр вĕрентĕшĕ туса хунă. 1940-мĕш çулта Улатăрти ÿнер-гравёр вĕрентĕшне Шупашкара куçарнă та пилĕк çул вĕренмелли Чăваш патшалăх ÿнер вĕрентĕшĕ тесе ят панă, 1948-мĕш çултан вара Шупашкар ÿнер вĕрентĕшĕ туса хунă.

Çав вăхăтран вĕрентĕш Шупашкар хулин авалхи пайĕнче, Атăл хĕрринче, ĕлĕххи çуртра — XVIII-мĕш ĕмĕрти архитектура палăкĕнче, Соловцов суту-илÿçĕн ĕлĕххи çуртĕнче вырнаçать.

Вĕрентĕшĕн уйрăмĕсем

Сăрă-ÿнер уйрăмĕ (специализаци: ÿнер-вĕрентÿ);
Графика тата тавралăх дизайнĕ;
Йывăçа илемлĕн капăрлатакан уйрăм;
Капăр ал-ĕçĕ ÿнерĕн тата халăх промăçлăх уйрăмĕ;
Театр декораци ÿнерĕн уйрăмĕ.

Паллă вĕрентекенсемпе вĕренекенсем

Филиппов Орест Иванович — Чăваш Республикин тава тивĕçлĕ культура ĕçченĕ, Раççей Федерацин тава тивĕçлĕ культура ĕçченĕ.
Семёнов Валерий Семёнович — Чăваш Республикин тава тивĕçлĕ ӳкерçи.
Бритвин Виктор Глебович (10.утă.1955, Шупашкар Чăваш Ен) — Чăваш Енпе Раççейĕн Тава тивĕçлĕ ӳнерӳçипе ӳкерçи, ССРП ӳкерçисен пĕрлешĕвĕн пайташĕ, тĕнче, вырăс тата чăваш çыравĕн капăрлату ӳкерчĕкĕсен хăйлавçи.
Дуняк Ольга Александровна (19.юпа.1940, Шупашкар Чăваш Ен) — Чăваш Ен тава тивĕçлĕ ÿнерçи, СССР ÿнерçисен ушкăнĕн пайташĕ.
Миттов Анатолий Иванович — чăвашсен паллă ӳкерçи, сăнарçă, график, СССР ӳкерçисен пĕрлешĕвĕн пайташĕ.
Павлов Пётр Васильевич (9.кăрлач.1937 — 1.кăрлач.2010) — совет тата раççей ÿнерçи, Раççей Халăх ÿнерçи.
Покровский, Александр Александрович — раççей ÿнерçи, Раççей ÿнер академин чăн пайташĕ, Раççейĕн Тава тивĕçлĕ ӳнерӳçи, Красноярск патшалăх ÿнер институчĕн ректорĕ, профессор, Петровской ăслăлăх тата ÿнер Академийĕн чăн пайташĕ.
Федосеев Александий Михайлович (24.ака.1958, Шупашкар Чăваш Ен) — раççей ӳнерçи, Раççейĕн Тава тивĕçлĕ ӳнерçи.

Çавăн пекех

Шупашкарти Ф. П. Павлов ячĕллĕ мусăк вĕрентĕшĕ

Каçăсем

Чебоксарское художественное училище 2015 ҫулхи Нарӑс уйӑхӗн 3-мӗшӗнче архивланӑ.