Хир пăсари

Хир пăсари — сăсар йышшисем шутне кĕрекен чĕрчун. Хир пăсари тесе ăна ахальтен каламан, вăл ытларах уй-хирте, çаранлă вырăнсенче пурăнать. Вăрман хĕррисене, вĕтлĕхе хир пăсарисем апат шырама çеç каяççĕ. Çын пурăнакан вырăна тиркеççĕ. Хир пăсари - чăн-чăн çăткăн чĕрчун. Вăл кăшлакан чĕрчунсемпе кăна тăранса пурăнать. Хăйĕн валли ятарласа йăва туса аппаланмасть çак пăсара - сăвăр, тыркас, арлан йăвисене пысăклатса йышăнать. Пĕр вырăнта нумай пурăнмасть - апат пĕтсе çитсен урăх вырăна пурăнма куçать. Çу уйăхĕнче ами 8-10 çура тăвать. Çурисем икĕ уйăхран-икĕ уйăх çурăран уйрăм пурăнма пуçлаççĕ. Пирĕн тăрăхра хир пăсари йышĕ 100 пуçран иртмест.

Каçăсем

• Хир пăсари Архивленĕ 26 Авӑн уйӑхӗн 2011 çулта.
• Mustela eversmanni Lesson, 1827 -Хир пăсари Архивленĕ 27 Авӑн уйӑхӗн 2007 çулта.
• Çĕпĕр зоологи музейĕн сайчĕ çинчи стаья (Хир пăсари - Mustela eversmanni Lesson, 1827) Архивленĕ 21 Юпа уйӑхӗн 2008 çулта.
• Хир пăсари çинчен ӳкерчĕксемпе Архивленĕ 12 Пуш уйӑхӗн 2007 çулта.