Франци Индокитайĕ

Франци Индокитайĕ (фр. Indochine française) — Индокитай çурутравĕнчи Францин XIX-XX ĕмĕрсенчи колони çĕрĕ.

Кун-çулĕПравить

1858 — 1884 çулсенче Франци Вьетнама вăрçса çĕнтерет те çак çĕрсенче хăйĕн колонине туса хурать. Колони çĕрĕсене тыса тăма ансат пулма виççĕне пайлаççĕ: Кохинхина (Намбо), Аннам (Чунгбо) протекторачĕ тата Тонкин (Бакбо) протекторачĕ. Çак çĕрсем пуçсăр, Франци Индокитайĕ шутне XIX ĕмĕрĕн 60-мĕш — 90-мĕш çулĕсенче туртса илнĕ Камбоджа тата Лаос протекторачĕсене хушаççĕ. Çаплах Индокитай шутне Китайран усă курма (арендăна) илнĕ Гуанчжоувань çĕрне çыпăçтараççĕ.

1887 официаллă ятне Индокитай Пĕрлĕхĕ (фр. Union indochinoise) тесе палăртнă.

Тĕнчен Иккĕмĕш вăрçи хыççăн Франци Индокитайĕн çĕрĕнче наци-ирĕклĕхлĕ юхăмĕсем çĕнтернĕ. Вара унăн вырăнне Вьетнам, Камбоджа тата Лаос патшалăхĕсем йĕркелесе тунă.