Степанов Михаил Степанович (Ĕç Паттăрĕ)
Степанов Михаил Степанович (1925, чӳк, 27, Хитекушкăнь ялĕ, Элĕк районĕ, Чăваш АССР — 2004, юпа, 3, Шупашкар, Чăваш Республики) — малта ĕçлесе пыракан, производство организаторĕ, рационализатор.
| Михаил Степанович Степанов | |
| Ӳкерчĕк:Степанов михаил степанович герой.gif | |
| Çуралнă вăхăт | 1925, чӳк, 27 |
|---|---|
| Çуралнă вырăн | Чăваш АССР |
| Вилнĕ вăхăт | 2004, юпа, 3 |
| Вилнĕ вырăн | Шупашкар, Чăваш Республики |
| Гражданлăх |
 ССРП |
| Пăхăнулăх | |
| Чыславсемпе парнесем |
    |
Социализм Ĕçĕн Паттăрĕ. РСФСР тава тивĕçлĕ çурт-йĕр тăваканĕ (1982), ЧАССР тава тивĕçлĕ çурт-йĕр тăваканĕ, СССР Аслă Канашĕн V чĕнĕвĕн депутачĕ.
Пурнăçĕ
тӳрлетĔç Паттăрĕ 1925 çулхи юпа, 25 Элĕк районĕнчи Хитекушкăнь ялĕнче çуралнă. Тавăтри шкулта çиччĕ класс вĕренсе пĕтерсен çурт-йĕр тăвакансен техникумне пĕлӳ илме кĕнĕ. Çурт тăвакан техник пулса ĕçленĕ.
1943-45 çулсенче Тăван Çĕршывăн Аслă вăрçине хутшăннă.
1950 çулта Шупашкарти пир-авăр комбинатĕнче чул ăсти ĕçне пикеннĕ, кайран 1-мĕш стройтрестра ушкăн маçтăрĕ пулса вăй хунă, «Оргтехстрой» тресчĕн ĕçшутлав уйрăмĕн (проект уйрăмĕ) тĕп инженерĕ ĕçне туса пынă, кайран 8-мĕш ПТУ-ра ĕçе вĕрентекен маçтăр пулса тăрăшнă. СССР Аслă Канашĕн депутачĕ, Шупашкар хула канашĕн депутачĕ.
Чысланисем
тӳрлет- Социализм Ĕçĕн Паттăрĕ
- Тăван Çĕршывăн Аслă вăрçин 2 степеньлĕ орденĕ
- ЧАССР Ӗç Мухтавĕн тата Паттăрлăхĕн Хисеп кĕнекине çырнă
- Ленин орденĕн кавалерĕ (иккĕ хутчен)
- Раççей Федерацин тава тивĕçлĕ çурт-йĕр тăваканĕ
- Чăваш Енĕн тава тивĕçлĕ çурт-йĕр тăваканĕ