Кола Бельды

Ан пăтраштарăр Полад Бюль-Бюль Оглыпа.

Никола́й Ива́нович Бельды́ (çу, 2 1929, Муха, Нанай районĕ, Инçет Хĕвелтухăç Ен — раштав, 21 1993, Хабаровск), ытларах Кола́ Бельды́ пек паллă — совет, раççей юрăçĕ, 1950—1980-мĕш çулсенчи эстрада паллă юрăçĕ, Раççей Федерацин тава тивĕçлĕ артисчĕ, Саха Республикин тава тивĕçлĕ артисчĕ, Бурят АССРĕн тава тивĕçлĕ артисчĕ. Нанай халăх çынни.

Кола Бельды
фото
Тĕп хыпар
Тулли ят	Николай Иванович Бельды
Çуралнă вăхăт	Шаблон:Пайăр çын/Вăхăт/Logic
Вилнĕ вăхăт	Шаблон:Пайăр çын/Вăхăт/Logic
Вилнĕ вырăн	Хабаровск, Раççей
Патшалăхсем	СССР, Раççей
Професси	юрăç
Жанрсем	эстрада

Кун-çулĕ

Кола Бельды Хабаров Енĕн Нанай районĕнчи Муха ялĕнче, сунарçă çемьинче çуралнă. Ачалăхра нуша тӳснĕ. Ашшĕ вилсен амăшĕ тепре качча тухать, Колан урăх çемьере пурăнма тивет, çамрăк чуншăн çак пăтăрмах тарăн йĕр хăварать — тытăнса калаçма пуçлать. Тăван аппăшĕ — Пассар Надежда Петровна — Нанай районче, Троицкое ялĕнче пурăнать.

Шкул-интернатра вĕренсе çитĕнет, унтанах хăйне икĕ çул хушса Тăван Çĕршывăн Аслă вăрçине тухса тарать. Лăпкă океан флотне лекет. Корейăна ирĕке кăларас çапăçусене хутшăнать. Лăпкă океанăн ташăпа юрă ансамблĕнче пултарулăхне кăтартать. Экстер йĕркипе мусăк училищинчен вĕренсе тухса, Бельды Лăпкă океан флотĕнче тральщик çинче моторист-дизелист пулса хĕсметре тăрать.

Флот хĕсмечĕ хыççăн Кола Сарăту консерваторине ăсталăха ӳстерме кĕрет. Çав хушăрах станок тăвакан заводра, Сарăту драма театрĕнче ĕçлет. Пĕр вăхăт Воронеж вăрçă тăрăхĕн юрăпа ташă ансамблĕнче, кайран Калинин тата Хабаровск филармонисенче ĕçлет. 1959 — 1990 çулсенче — Пĕтĕм Раççейри концерт-гастроль пĕрлешĕвĕн, каярах Мусконцерчĕ ята куçарнăскерĕн солист-вокалисчĕ.

Пултарулăх

Бельды хевтеллĕ çулĕ кăсăк та ăнăçла пулнă. 1957 çулта вăл Мускаври Пĕтĕм тĕнчери çамрăксемпе студентсен фестивалĕн лауреачĕ ятне тивĕçет.

1960 çултах Кола Бельды Пĕтĕм тĕнчери эстрада артисчĕсен конкурсĕн лауреачĕ пулса тăрать.

Юлашки çулĕсем

1990 çулта артист Мускавран тăван çĕрне — Хабаровска — куçса каять. Авланать. 1991 çулăн пуçламăшĕнче Елена хĕрача çуралать.

Кола Бельды 1993 çулхи раштавăн 21-мĕшĕнче çут тĕнчерен миокард инфарктне пула уйрăлса каять. Вил тăпри Хабаровск хулин çăвинче. Кола вилнĕ хыççăн унăн арăмĕ, ача-пăча поликлиникин тухтăрĕ, «Кола Бельды» этем пĕрлĕх фондне йĕркелет.

Каçăсем

• Кола Бельды Last.fm çинче
• Кола Бельды «Увезу тебя я в тундру» — Youtube çинче
• «Увезу тебя я в тундру»: 12 кавер-верси 2010 ҫулхи Кӑрлач уйӑхӗн 22-мӗшӗнче архивланӑ.