Кожикоде

Кожикоде (малаял. കോഴിക്കോട്, англ. Kozhikode), малтанхи ячӗ Каликут (акӑлч. Calicut, тата Каликат), — Малабар ҫыранӗнче вырнаҫнӑ Индири Керала штачӗн хули. Халӑх шучӗ — 437 пин ҫын (2001).

Хула Кожикоде малаялам കോഴിക്കോട് акăл. Kozhikode Патшалăх ĔнчĕĔнчĕ Штат КералаКерала Тăрăх Кожикоде (тăрăх) Координатсем 11°15′ с. ш. 75°46′ в. д. Пĕрремĕш асăну VII ĕмĕр Хула  Хула Вăхăт тăрăхĕ UTC+5:30 Почтă индексĕсем 673001 Автомобиль кочĕ KL 11 Официаллă сайчĕ http://kozhikode.nic.in/

Кун-ҫулӗ

VII ĕмĕрте Кожикоде хулара арап сутăçĕсем пурăннă, XV ĕмĕрĕн пуçламăшĕнче кунти порта Чжэн Хэ китай тинĕс çӳревçин флотилийĕ килнĕ. 1498 çулта кунта Васко да Гама португал карапĕсем килнĕ. Португалсем çак Инди океанĕнчи суту-илӳ центрне ярса илесшĕн пулнă. Диу патĕнче çĕнтерсе 1511 çулта форт тусан хăйсен тĕллевне çитнĕ.

1525 çулта вырăнти заморин титулне тивĕçнĕ раджа потугалсене Каликутран кăларса ярать. 1615 çул тĕлнелле Каликут пирки акăлчансем кăсăкланма тытăннă. 1664 çулта Британ Тухăç-Ĕнчĕ компанийĕ кунта суту факторине уçнă.

XVIII ĕмерĕн тăршшипех Каликутшăн акăлчансемпе голландсем, франссем, датчансем те тупăшнă. 1765 çулта майсур тытăмçи Хайдер Али, кунта европейсем хуçаланнипе тарăхнăскер, Каликута ухтарса çунтарса янă.

Кожикоде акăлчансен аллине куçсан (чăннипе — 1790 çулта, юридицилле — 1792 çулта) хулана çĕнĕрен никĕслесе хăпартнă. Çавăнпа та хальхи хулара историпе архитектура палăкĕсем сахал йышлă. 1968 çулта Каликут университетне уçнă.

Каҫӑсем

• Официаллă сайт(акăлч.)
• Каликут // Энциклопедический словарь Брокгауза и Ефрона: В 86 томах (82 т. и 4 доп.). — СПб.: 1890—1907.
• Каликут // Большая советская энциклопедия: В 66 томах (65 т. и 1 доп.) / Тĕп ред. О. Ю. Шмидт. — 1-мĕш кăл.. — М.: Советская энциклопедия, 1926—1947.