Кисан облаçĕн Ермиш районĕ

Ӳкерчĕк:Ермишь Ряз.PNG Е́рмиш рай́онĕ — Кисан облаçĕн (Раççей) административлă пайĕ. Административлă тĕпĕ — Ермиш посёлокĕ.

Тавралăхĕ

Çĕр-шыв лаптăкĕ — 1342 çм². Муниципалла йĕркеленӳ Кадом, Касимов, Пителин районĕсемпе, çаплах Мордва Республикипе тата Чулхула облаçĕпе чикĕленет.

Тĕп шывĕсем — Еремша, Мăкшă.

Кун-çулĕ

XVII ĕмĕрĕн пуçламăшĕнче Еремша шывĕ çинче Аносов дворян çемйин çĕрĕсем вырнаçнă пулнă. Майĕпен вĕсене çĕр ĕçлекенсем харпăрлаççĕ, 1628 çул тĕлне пĕрремĕш пурăну вырăнĕ - Темник уесĕн Аносово ялĕ пулса тăрать. Унта 170 кил пулнă, çав шутра 155 – çĕр ĕçлекен, 1 бояр, 4 – чун-чĕмлĕх.

1628 çулта кунта юман пĕренисенчен Михаил Архангелăн пĕчĕк чиркӳ туса лартнă, вара Аносово çумне тепĕр ят – Архангельское — хушăннă.

XVIII ĕмĕрте Аносово Ермиш вулăсĕн тĕпĕ пулать, ăна Ермиш ята куçараççĕ. "Историко-статистическое описание Тамбовской иерархии" кĕнекере ăна "Аносово, Ермишь тож (Архангельское)" тесе çырнă.

1890 çулта Ермиш ялĕнче 695 кил пулнă, 5786 çын пурăннă.

1911 çулта кунта 4718 çын пурнать, пульницă, почтă-телеграф уйрăмĕ, икĕ шкул: чирку-прихут - хĕрарăм тата министерствăн, ике класлă, йывăçпа тимĕр ал ăстине вĕрентнĕ.

Колхоз тапхăрĕнче (1929 – 1939 çç.) Ермиш район территоринче 58 колхоз тата 36 ял канашĕ туса хунă.

Административлă тытăмĕ, халăх йышĕ

Районта 10 пин çын пурнать, çав шутпа хула никĕсĕпе 4 пине яхăн çын. Пурĕпе кунта 60 пурăну вырăнĕ.

Района 13 тăрăх кĕрет:

1. Ермиш поселок тăрăхĕ (р. п. Ермишь);
2. Ази ял тăрăхĕ (с. Азеево);
3. Большеляхово ял тăрăхĕ (с. Большое Ляхово);
4. Власов ял тăрăхĕ (с. Власово);
5. Мердуш ял тăрăхĕ (с. Мердушь);
6. Кафти ял тăрăхĕ (с. Кафтейка);
7. Надежкино тăрăхĕ (с. Надежка);
8. Нарми ял тăрăхĕ (с. Нарма);
9. Савватемский ял тăрăхĕ (с. Савватьма);
10. Свестурский ял тăрăхĕ (с. Свестур);
11. Сăпас-Рамен ял тăрăхĕ (с. Спас-Раменье);
12. Турмати ял тăрăхĕ (с. Турмадеево);
13. Царевский ял тăрăхĕ (с. Царево).

Палă вырăнĕсем

• Токмак çăлкуçĕ

Каçăсем

• Облаç администрацийĕн сайтĕнче 2006 ҫулхи Раштав уйӑхӗн 8-мӗшӗнче архивланӑ.

Ку вĕçлемен статья. Эсир статьяна тӳрлетсе тата хушса проекта пулăшма пултаратăр. Çак асăрхаттарнине май пулсан тĕрĕсреххипе улăштармалла.