Фёдоров Георгий Иосифович

Фёдоров хушаматлă урăх çынсем çинчен Википедире статьясем пур.

Федоров Георгий Иосифович (1942 çулхи нарăсăн 10-мĕшĕ, Çĕмĕрле районĕ, Патаккасси (халĕ Тăванкасси) ялĕ — 2015 раштав, 9, Шупашкар, Чăваш Ен) — литература тĕпчевçи, çыравçă, филологи ăслăхĕсен тухтăрĕ, профессор. Чăваш Республикин тава тивĕçлĕ ăслăх ĕçченĕ (2007). Чăваш Республикин патшалăх премин лауреачĕ (гуманитари ăслăхĕсем) (2008).

Георгий Иосифович Фёдоров
Çуралнă вăхăт:	1942, нарăс, 10
Çуралнă вырăн:	Тăванкасси ялĕ, Çĕмĕрле районĕ, Чăваш АССР, РСФСР, ССРП
Вилнĕ вăхăт:	2015, раштав, 9
Вилнĕ вырăн:	Чăваш АССР, Шупашкар
Патшалăх:	Раççей Федерацийĕ
Ăслăх сфери:	Филологи, культорологи
Ăсчах степенĕ:	филологи ăслăхĕсен тухтăрĕ
Альма-матер:	Чăваш патшалăх педагогика университечĕ

Раççей ÇП пайташĕ (1992).

Пурнăçĕ

Тăванкассинчи çиччĕ çул вĕренмелли шкулта вĕреннĕ. 1971 çулта И. Я. Яковлев ячĕллĕ Чăваш патшалăх педагогика институтĕнче пĕлӳ илнĕ.

1967-1971 çулсенче республикăри тĕрлĕ шкулсенче вырăс чĕлхипе литератури вĕрентӳçи вырăнĕнче тăрăшнă.

1971-1974 çулсенче Георгий Иосифович Чăваш АССР чĕлхе, литература, истори тата экономика ăслăх-тĕпчев институтĕнче ăслăх ĕçтешĕ вырăнĕнче вăй хунă, 1974-1989 çулсенче Шупашкар хулин шкулĕсенче вырăс чĕлхипе литератури вĕрентӳçи пулса ĕçленĕ.

1994–1998 çулсенче - Чăваш АССР чĕлхен, литературăн, историн тата экономикин ăслăх-тĕпчев институтĕнче литература тĕпчевĕпе фольклористика уйрăмĕн ертӳçи.

1998–2001 çулсенче Чăваш патшалăх И. Н. Ульянов ячĕллĕ университечĕн стилистикăпа библиотека пĕлĕвĕ кафедрин ертӳçи. 2001-2011 çулсенче çав университетрах культурологи кафедрине ертсе пынă.

Тухтăр диссертацине («Своеобразие художественного мира чувашской прозы 1950-1990-х годов») 1997 çулта хӳтĕленĕ.

Халĕ Чăваш патшалăх педагогика университечĕн культорологи кафедрине ертсе пырать.

Федоров ытларах критикăпа литература пĕлĕвĕнче палăрнă. Вăл 9 кĕнеке çырнă.

Пултарулăх тата ăслăх ĕçĕсем

"Сăнарлă сăмах шыравĕ", "Художественный мир чувашской прозы", "Художественный мир Федора Ухсая", "Иван Мучи пултарулăхĕ". "Ай, мăнтарăн хир мулкачи", "Вăр-вăр кайăк, вăр кайăк" "Туй ачи, пуса ачи" повеçсем.

250 яхăн ăслăх ĕçне хатĕрлесе пичетленĕ, вĕсен шутĕнче чăваш литературипе, историпе тата теорипе 3 монографи, литературăна вĕрентес теорипе тата методологипе 3 монографи, 5 вĕренӳ тата пулăшав кĕнеки.

Чыслани

• Раççей Федерацин Çутĕç министерствин Хисеп хучĕ (2005).

Литература

• Федоров, Г. И. Чăваш литератури (1945-1985 ҫулсем) : вĕренӳ пособийе / Г. И. Федоров. - Шупашкар : Чав. ун-чен изд-ви, 2004. - 515 с.
• Савельева, В. М. Ытарми профессор! / В. М. Савельева. – Шупашкар : [и. ç.], 2005. – 170 с.
• Желтухин, Г. Тăван сăмахлăх çул-йĕрĕ – çĕнĕ куçпа / Г. Желтухин // Хыпар. – 2008. – 5 пуш. – С. 2.
• Маяксем, Л. Шăйрăк / Л. Маяксем // Çамрăксен хаçачĕ. – 2010. – 12 нарăс (№ 5). – С. 14.
• Родионов, В. Тавах сана, тăванăмăр / В. Родионов // Хыпар. – 2002. – 9 нарăс.
• Уткин, Г. Паллă тĕпчевçĕ, ăста çыравçă / Г. Уткин // Тăван Атăл. – 2007. – № 3. – С. 127-129.
• Юмарт, Г. Сăнарлă сăмах шыравĕ / Г. Юмарт // Тантăш. – 2002. – 7 нарăс.
• Афанасьев, П. Федоров Георгий Иосифович // Афанасьев, П. Писатели Чувашии / П. Афанасьев. – Чебоксары, 2006. – С. 457.
• Тимуков, А. Н. Федоров Георгий Иосифович / А. Н. Тимуков // Краткая чувашская энциклопедия. – Чебоксары, 2001. – С. 426.
• Федоров Георгий Иосифович // Ученые и сотрудники Чувашского государственного института гуманитарных наук : 1930-2005. – Чебоксары, 2005. – С. 158.

Каçăсем

• Университет сайчĕ çинче 2016 ҫулхи Пуш уйӑхӗн 24-мӗшӗнче архивланӑ.