Талиев Даниил Иванович

	Талиев Даниил Иванович
	Талиев Даниил Иванович
Çуралнă чухнехи ят	Талиев Даниил Иванович
Çуралнă вăхăт	1784-мĕш çул
Çуралнă вырăн	Чиркӳллĕ Тутарань, хальхи Муркаш районĕ, хальхи Чăваш Ен)
Вилнĕ вăхăт	1837 çулхи акан 4-мĕшĕ
Вилнĕ вырăн	Санкт-Петербург
Гражданлăх	Раççей
Пăхăнулăх	Раççей империйĕ
Ашшĕ	Иван Михайлов
Амăшĕ	паллă мар

Талиев хушаматлă урăх çынсем çинчен Википедире статьясем пур.

Талиев Даниил Иванович (1784-7.4.1837) — çар тухтăрĕ тата патша çарĕн медицина генералĕ. Хальхи Чăваш Республикине кĕрекен Муркаш районĕнчи Тутарань ялĕнче çуралса ÿснĕ. Талиев Петр Ивановичăн (1778-1832) шăллĕ.

Пурнăçĕ тӳрлет

1809-1812, — гренадерсен полкĕнчи сиплевçĕ.
1812-1813, — аслă сиплевçĕ.
1813-мĕш çул пуçламăшĕнчен — 1-мĕш класлă аслă сиплевçĕ, унтан тухтăр-хирург.
1815-мĕш çулхи январĕн 1-мĕшĕнче çар министрĕн приказĕпе Санкт-Петербургри çар-артиллери госпитальне лекнĕ, çав вăхăтрах Çар министăрлăхĕн медицина департаменчĕн сĕтел пуçлăхĕ пулса тăнă.
1818-мĕш çултан дивизион тухтăрĕ.
1831-мĕш çулхи сентябрьтен Çар министăрлăхĕн медицина департаменчĕн Пĕрремĕш уйрăмĕн пуçлăхĕ.
1836-мĕш çулта отставкăна тухать те округри медицина генералĕн тивĕçĕсене пурнăçлать.

Вилнĕ хыççăн ăна Санкт-Петербургри Митрофаний масарĕнче пытарнă^[1].

1813-мĕш çулхи февралĕн 21-мĕшĕнче М.Кутузов фельдмаршал палăртнă хыççăн Пĕрремĕш Александр патша Д.И.Талиева дворян ятне парать.
Апостолпа тан Сăваплă Владимир кнеçĕн 4-мĕш капашри орденĕпе наградăланă.
Сăваплă Аннан 2-мĕш капашри орденĕ

Тата тепĕр виçĕ орденпа наградаланă (вĕсен ячĕсем паллă мар). Çапла вара мĕнпурĕ 5 (пилĕк) орден.

^ Захоронения Митрофаниевского Православного кладбища (по книге В. И. Саитова) — Санкт Петербургри Митрофаний перлешĕвĕ. (унăн титулне кунта "статский советник" тесе палăртнă.