Нью-Йоркри паянкун ӳнер музейĕ

Нью-Йоркри паянкун ÿнер музейĕ, кĕскен MoMA (акăл. Museum of Modern Art (MoMA)), Манхеттента вырнаçнă — хальхи вăхăтри ÿнерĕн тĕнчери чи пĕлтерĕшлĕ музейсенчен пĕри, çавăн пек ытти музейсен валли тĕслĕх пулса тăрать.

Нью-Йоркри паянкун ÿнер музейĕ Museum of Modern Art
Никĕсленĕ	1929 Чӳк, 7
Вырнаçнă	11 Хĕвеланăç 53-мĕш урам (Манхеттен)
Пыракансен шучĕ	3 066 337 (2013)
Директор	Гленн Д. Лоури
www.moma.org
Нью-Йоркри паянкун ÿнер музейĕ Викиампарта

Палли

Пĕрлешÿллĕ Штатсен халăх нумай килсе куракан музейсенчен виççĕмĕш тата тĕнчипе 13-мĕш (2013 -мĕш çулта 3 066 337 пыракан пулнă) вырăн йышăнать. Çĕнĕ Йоркăн тĕп паха кăтартуллă вырăнĕсенчен пĕри.

МоМА кун-çулĕ

1929-мĕш çулхи чÿк уйăхĕн 7-мĕшĕнче Манхеттенти кантур çурчĕн ултă пÿлĕмне йышăнса, Рокфеллерсен кил-йышĕ пулăшнипе никĕсленнĕ. Музейăн пĕрремĕш ертÿçи ÿнер тĕпчевçи Альфред Барр пулнă.

Музей пуххинче XX-мĕш ĕмĕрĕн аслă ÿнер ăстисен чаплă хайлавĕсем — Ван Гогăн «Çăлтăрлă каç», Матиссăн «Ташă», Пикассон «Авиньон хĕрĕсем», Далин «Ăс-тăн яланлăхĕ», Брынкушин «Таврари кайăк» упранаççĕ.

Музейăн паянхи çуртне 1939 -мĕш çулта пуçланă, 1950-мĕш çç. ăна Филип Джонсон çĕнетнĕ, 1980-2000-мĕш çç. музей курав пÿлĕмĕсене темиçе хут ытларах аслатнă.

1947-мĕш çулта МоМА ертÿçисемпе «Метрополитен» музей хушшинчи килешу тытнă, ун тăрăх, вăхăт ирсе пынă çемĕн ÿнер хайлавĕсене паянкун ÿнер ĕçĕсен шайĕнчен классикалла шайя куçарма тивĕçнĕ, вара МоМА-ран «Метрополитена» куçармалла пулнă. Енчен те тепĕр ултă çултан килĕшÿне пăрахăçламан пулсан, МоМА хăйĕн пуххин чылай пысăк пайне çухататчĕ, халĕ вăл ĕçсем паянкун ÿнер «классики» пулса тăраççĕ.

Каçăсем

• Официальный сайт МоМА
• The Museum of Modern Art Online Retail Store
• Abby Aldrich Rockefeller: Patron of the modern
• New York Times, 2007: Donors Sweetened Director's Pay At MoMA, Prompting Questions Controversy over the compensation package of MoMA's Director, Glenn D. Lowry.
• Taniguchi and the New MOMA
• Museum Conservation Lab Renovation