Мел Кипсăн

Мел Кипсăн (акăл. Mel Columcille Gerard Gibson, Mel Gibson, 1956 çулхи кăрлач, 3 çуралнă) — австрали-америкă актёрĕ, режиссёр, сценарист тата продюсер.

Кинокарьера

Гибсон 1956 çулхи кăрлач, 3 Нью-Йоркра, ирланди-католик çемйинче çуралнă. 1968 çулта Гибсонсем Австрали куçса каяççĕ. Австрали шкулне вĕçлесен, Мел вĕренме Сиднейри Наци театăр ӳнерлĕх институтне кĕрет. Пĕрремĕш рольне Гибсон студент чухнех «Çуллахи хула» кинофильмра вылять. 1979 çулта артист «Тим» тата «Тăнсăр Макс» киноӳкерчĕксенче вылять, çавăншăн вăл тĕрлĕ номинацие тивĕçет.

Тĕнчери паллăлăха Кипсăна 1981 çулта «Тăнсăр Максăн» иккĕмĕш пайĕнчи ĕçĕ кăларать.Çак ăнăçлă роль хыççăн артист Холливуда ĕçе кĕрет, унта унăн пĕрремĕш кинофильмĕ «Баунти» 1984 çулта тухать.

1990-мĕш çуĕсен пуçламăшĕнче Гибсон харпăр кинокомпани ICON Production йĕркелет, хăйне режиссёр ĕçĕнче тĕпчет. Гибсон-режиссёр «Питсĕр этем» кинофильм майлаштарать; унăн иккĕмĕш хăтланăвĕ ăнăçлăрах тухать — Уильям Уоллес ертсе пынă шотландсен пăхăнманлăхшăн кĕрешĕвĕ çинчен хайланă «Хăюллă чĕре» кăссайлă драма. Фильма «Оскар» илме вунă номинацире тăратаççĕ, пиллĕккĕшне тивĕçет. Фильмăн батали (çапăçу) сценисенче икĕ пине яхăн статист хутшăнать.

2004 çулта Гибсон «Христос хавалĕсем» кинофильм ӳнерлет, фильмри «садистлă» курнăçусемпе тата пирĕн эрăн пуçламăшĕнчи Палестинăра калаçнă арамей, латтин тата авалхи иудей чĕлхисене усă курса вăл этем пĕрлĕхне çав тери тĕлĕнтерет. Ӳнер ĕçĕнче Иисус Христосăн юлашки вуниккĕ сехетне кăтартнă. «Христос чун хавалĕ» фильма Рим паппи Иоанн Павăл II ырă кăмăлпа хакланă. Тиркевçĕсем çуклă пахаланă пулин те, «Христос чун хавалĕ» ӳнер ĕçе халăх чунпа кăмăлласа тимленĕ.

Кипсăнăн (сценарине те хăй хайланă) «Апокалипто» фильмĕ —истори кăссайĕ, майя цивилизацин юлашки тапхăрне кăтартать. Фильма пĕрремĕш хут 2006 çулхи раштав, 8 çутта кăларнă.

Апокалипто

Кипсăнăн «Апокалипто» фильмĕ (вырăсла — «Апокалипсис») тĕнче экранĕ çине раштав, 8, 2006 тухрĕ. Ячĕ библи апокалипсисĕпе çыхăнман; тĕрĕссипе грекла сăмах «ăшне пăхни, чăн тупсăма уçни», е «çĕнĕ пуçлав». Çак хевте ĕçĕнче пирĕн эрăччен 600 çулта мăнаçлă пулнă майя тĕнчи арканса пынă чухнехи юлашки тапхăрне кăтартнă. Фильмри пур калаçусене юкатек чĕлхипе çырнă. Фильма Кипсăн хăйĕн укçипе хайланă, рольсене Мехико артисчĕсем, мексика Юкатан (штат) штатĕнчи, çаплах АПШ индейĕсем вылянă. Пĕрремĕш хут ĕçе Кипсăн америка индейĕсене кăтартнă. [1]

Ӗçĕсем

Артист ĕçĕсем

Çуллахи хула (1977) Summer City
Тим (1979) Tim
Безумный Макс (1979) Mad Max
Галлиполи (1981) Gallipoli
Безумный Макс 2: Воин дорог (1981) Mad Max-2
Год опасной жизни (1982) The Year of Living Dangerously
Баунти/Мятежный корабль (фильм) (1984) The Bounty
Юханшыв (кинофильм) (1984) The River
Безумный Макс 3: Под куполом грома (1985) Mad Max-3
Смертельное оружие (1987) Lethal Weapon
Огненный рассвет (1988) Tequila Sunrise
Смертельное оружие 2 (1989) Lethal Weapon 2
Гамлет (1990) Hamlet
Пăралук çинчи вĕçен кайăк (1990) Bird On A Wire
Эйр Америка (1990) Air America
Ӗмĕр çамрăк (1992) Forever Young
Смертельное оружие 3 (1992) Lethal Weapon 3
Сăн-питсĕр çын (1993) Man Without a Face
Мэверик (1994) Maverick
Хăюллă чĕре (1995) Braveheart
Теория заговора (1997) Conspiracy Theory
Смертельное оружие 4 (1998) Lethal Weapon 4
Расплата (1999) Payback
Хĕрарăм шухăшĕсем (2000) What Women Want
«Миллион доллар» хăна çурчĕ (2000) Million Dollar Hotel
Патриот (2000) Patriot
Эпир текĕрçĕсем (2002) We Were Soldiers
Паллăсем (2002) Signs
Детектив-юрăç (2003) Singing Detective

Режиссёр ĕçĕсем

Сăн-питсĕр çын (1993) Man Without a Face
Хăюллă чĕре (1995) Braveheart
Христосăн чун хавалĕ (2004) Passion of the Christ
Апокалипсис (2006) Apocalypto (премьера 7 декабря 2006)

Вуламалли

ИЗВЕСТИЯ. Çĕнĕ Апокалипсис Мел Кипсăнран
КИНОМАНИЯ. Мел Кипсăнăн кун-çулĕ 2008 ҫулхи Пуш уйӑхӗн 14-мӗшӗнче архивланӑ.

Каçăсем

"Апокалипсис" кинофильмăн официаллă сайчĕ, вырăсла 2008 ҫулхи Нарӑс уйӑхӗн 22-мӗшӗнче архивланӑ.