Каберне совиньон

Каберне совиньон (фр. Cabernet sauvignon)- паллă хĕрлĕ иçĕм сорчĕ. Тăван çĕрĕ - Медок тата Грав тăрăхсем (Бордо енĕ, Франци).

Каберне совиньон

Урăх ятсем: видур ( лат.-vigne dur- "хытă чĕрĕ хулă" ), буше е бушет.

Ампелографи

Каберне совиньон каярах чечекленет, ăна ирхи тăм илмест. Каберне совиньон сивве тӳсекен сорт, анчах та унăн çырлисем каярах пиçеççĕ. Çавăнпа çак сорт валли ăшă тата типĕ кĕркунне кирлĕ. Питĕ хулăм хупăллă çырласем пысăк иçĕм сапакине пуçтарăннă. Иçĕм çырли хуппинче нумай танинсем ( 4-5 % ) тата пигментсем. Каберне совиньон питĕ чĕрĕ сорт. Ку сортран тунă эрехсем 30-40 çул иртсен кĕленчере пулса çитет.

Сарăлни

Тĕнчере каберне совиньон сорчĕ чи палли шутланать ( 614 800 га ). Эрехтăвакан кашни çĕр-шывра иçĕм тĕмин çак сорчĕ тымар янă:

• Франци ( 56 400 га ): Бордо, Прованс, Лангедок-Руссийьон;
• Итали: Тоскана облаçĕ;
• АПШ: Напа айлăмĕ, Сонома;
• Австрали: Кунаварра, Аделаида тӳпи, Баросса айлăмĕ;
• КАР ( 11 000 га ) : Кап тăрăхĕ;
• Чили: Анкокагуа айлăмĕ.

Чаплă эрехсем

эрех ячĕ	тăрăх	сорт пайĕ
Chateau Mouton-Rothschild	Пойяк тăрăхĕ, Бордо енĕ, Франци	77 %
Chateau Latour	Пойяк тăрăхĕ, Бордо енĕ, Франци	75 %
Chateau Margaux	Марго тăрăхĕ, Бордо енĕ, Франци	75 %
Chateau Lafite-Rothschild	Пăйяк тăрăхĕ,Бордо енĕ,Франци	70 %
Sassicaia	Тоскана облаçĕ, Итали	85 %
Solaia	Тоскана облаçĕ, Итали	75 %
Lupicaia	Тоскана облаçĕ, Итали	90 %
Ornellaia	Тоскана облаçĕ, Итали	65 %
Screaming Eagle	Напа айлăмĕ, Калифорни штачĕ, АПШ	100 %

Çавăн пекех пăхăр

• Пинă Нуар, Санджовезе

Каберне уявĕ

2010 çулта американри эрехтăвакансем сорчĕн уявĕ никĕсленĕ - "Пĕтĕм тĕнчери Каберне Совиньон кунĕ" - авăн уйăхри иккĕмĕш кунра.

Гибридсем

• Инкрочо Манцони 2-15 ( Incrocio Manzoni ) : Каберне совиньон х Просекко ( Венето, Итали ).