Зинчук Виктор Иванович

Виктор Зинчук
	Виктор Зинчук
Тулли ят	Зинчук Виктор Иванович
Çуралнă вăхăт	ака, 8, 1958
Çуралнă вырăн	Мускав, РСФСР
Çулсем	1976 — хальхи вăхăт
Патшалăх	ССРП РФ
Профессисем	Вылякан, композитор
Инструментсем	Гитара
Жанрсем	Инструменталлă мусăк, рок, классика мусăкĕ, фьюжн
Парнесем	Раççей Федерацин тава тивĕçлĕ артисчĕ
www.zinchuk.ru

Виктор Иванович Зинчук (ака, 8 1958, Мускав, РСФСР, ССРП çур.) — раççей гитарисчĕ, композитор, капăрлатакан, Раççей Федерацин тава тивĕçлĕ артисчĕ.

Сан-Маринăри тĕнчери ăслăх академисен ассоциацин профессорĕ, Мускаври культура тата ӳнер патшалăх университечĕн доценчĕ. Хăй мусăкне хайланисĕр пуçне, классика мусăкне — И. С. Бах, Н. Паганини, М. Глинка, Дж. Верди, Дж. Гершвин — капăрлатнă.

Биографи тӳрлет

1976 çулта Виктора пултаруллă ачасен мусăк шкулне, классика гитарин класĕпе вĕренме илеççĕ, кунта вăл 4 çул хушши пĕлӳ пухать. 1987 çулта, тĕрлĕ ушкăнсенче 7 çул; ĕçленĕ хыççăн, Зинчук соло карьерине тапратать. Çак вăхăтрах ăна пĕтĕм Раççейри радион тĕнчери каналĕ итлекенсенчен ыйтса пĕлнĕ хыççăн, чи лайăх гитарист ята тивĕçтереççĕ^[1]. 1991 çулта вăл Швейцарири пысăк мусăк фестивалĕнче çĕнтерет, халиччен те нумай фестивальсенче хăйĕн маттурлăхне кăтартать. 1995 çулта Мускаври этеплĕхпе ӳнерĕн патшалăх университетне хĕрлĕ дипломпа вĕçлет^[1].

Фестивальсемпе ăмăртусем тӳрлет

1983 — Вагифа Мустафа-Заде ячĕллĕ фестиваль (Баку, Пĕремĕш парне)
1983 — Мускав джаз-фестивалĕ (лауреат)
1983 — Ленинград джаз-фестивалĕ (лауреат)
1989 — Тĕнче фестивалĕ «Интершанс’89» (лауреат)
1990 — Телефестиваль «Парнас çулĕ» (лауреат)
1991 — Фрибур хулинчи (Швейцари) тĕнче фестивалĕ (лауреат)
1993 — «Братислава лирри» тĕнче фестивалĕ
1994 — Key Brothers рок-фестивалĕ (Турин, Итали)
1994 — Поншарра (Франци) коммуна мэрĕн медалĕ
1996 — «Ылтăн пăлан» тĕнче фестивалĕ (Трансильвани, Румыни, 3-мĕш вырăн «Видеоклип» номинацинче)
2003 — «Славян пасарĕ» тĕнче фестивалĕ (Витебск)
2004 — «Musik Messe» тĕнче мусăк куравĕ вăхăтĕнчи тĕнче фестивалĕ (Франкфурт-Майн-çинчи)