Европа пăшийĕ (лат.Alces alces) — йĕкĕр чĕрнеллĕ сĕтпе ӳсекен чĕрчун, пăлансен йышне кĕрет. Пăши кавлекеннисенчен чи пысăкки шутланать. Унăн пуçĕ пысăк та йывăр, мăйĕ сарлака та тачка, ури вăрăм. Çӳлти тути пысăк, аялалла усăнса тăрать. Куçĕ лайăх курмасть, анчах хăлхи лайăх илтет, сăмси тĕрлĕ шăрша таçтанах туять. Пăши кĕлеткин тăршшĕ икĕ метр çурăран та иртет, йывăрăшĕ 500 килограма çитет. Хăш-пĕр пăши вăкăрĕсем йывăртарах та пулаççĕ. Мăйраки вăкăрĕсен кăна пулать, 20 килограма çитет. Пăшисем 60 тĕслĕ ӳсентăран çиеççĕ, кăмпа та кăмăллаççĕ. Хĕллехи вăхăтра хыр лăссисене, тĕрлĕ йывăç тураттине, вуллине чăмлаççĕ. Пăшин тăшманĕсем сахал мар. Уйрăмах упасемпекашкăрсем тапăнаççĕ. Чăвашра пăши йышĕ 2 пине яхăн шутланать
