Открыть главное меню

Брусова Галина Фёдоровна, — педагогика ăслăлăхĕсен кандидачĕ (2002), доцент (2002). 1955 çулхи пуш уйăхĕн 11-мĕшĕнче Чăваш Енĕн Патăрьел районĕнчи Кивĕ Ахпӳрт ялĕнче çуралнă.

ПурнăçĕТӳрлет

1972 çулта Туçари вăтам шкултан вĕренсе тухнă. Шкулта чăваш чĕлхипе кăсăкланнă; районта тухса тăракан «Авангард» хаçатра тĕрлĕ материал пичетленĕ, çавна кура ăна шкултан вĕренсе тухнă хыççăн 1973 çулта хаçата корректор пулса ĕçлеме илнĕ (1975). И.Н.Ульянов ячĕллĕ Чăваш патшалăх университетне историпе филологи факультечĕн чăваш чĕлхипе литературин заочлă уйрăмне вĕренме кĕнĕ. Çак çулах Алманчăри вăтам шкулта чăваш чĕлхипе литература учителĕ пулса ĕçлеме тытăннă. Виçĕ çул ĕçленĕ хыççăн тарăнрах та тĕплĕнрех пĕлӳ илес тесе кăнтăрлахи уйрăмăн 4-мĕш курсне вĕренме куçнă.

Университетра вĕреннĕ вăхăтра ытларах литературăпа интересленнĕ. В.П. Станьял ертсе пынипе Мĕтри Кипекĕн произведенийĕсене тишкерсе хаклас ĕçе активлă хутшăннă. М.Кипекпе тачă çыхăну тытнă.

1980 çулта университетран вĕренсе тухнă хыççăн ăна Шăмăршă районĕнчи Чаткасри вăтам шкула чăваш чĕлхипе литература вĕрентекенĕ пулса ĕçлеме яраççĕ. Кунта вăл пилĕк çул ĕçленĕ. 1989 çултанпа Шупашкар районĕнчи Тутаркассинчи «Гнездышко» ача садĕнче воспитатель (1990), Шупашкарти 39-мĕш шкулта чăваш чĕлхи учителĕ (1991), Республикăри вĕрентӳ институтĕнче чăваш чĕлхипе литература кафедрин методисчĕ пулса ĕçленĕ.

1994 çулта И.Я. Яковлев ячĕллĕ Чăваш патшалăх педагогика университечĕн чăваш чĕлхи кафедри çумĕнчи аспирантурăна вĕренме кĕнĕ, «Чăваш чĕлхи урокĕсенче паллă ятне вĕрентнĕ май ачасен пуплевне аталантарасси» темăпа диссертаци хӳтĕленĕ (2002).

1994 çулта вĕрентӳ институтĕнчен Чăваш патшалăх педагогика университечĕн чăваш чĕлхипе литература кафедрине ĕçлеме куçнă. Кунта вăл студентсене чăваш чĕлхин меслетлĕхне вĕрентет.

ӖçĕсемТӳрлет

Пичетленнĕ ĕçĕсем:

  • Татах тăван чĕлхем çинчен // Ялав. - 1994. - 5№;
  • Çĕнĕ вĕренӳ пособийĕ // Халăх шкулĕ. - 1993. - 5№. (Л.П. Сергеевăн «Чăваш диалектологийĕ» вĕренӳ пособийĕ çинчен);
  • Çыру ĕçĕсем çинчен // Халăх шкулĕ. - 1994. - 6№;
  • И.Я. Яковлев - чăваш чĕлхипе вырăс чĕлхине мĕнле вĕрентмеллине кăтартакан инспектор-методист // Вестник Чувашского государственного педагогического института И.Я. Яковлева - Чебоксары, 1998. - 2№;
  • Изложени тексчĕсен пуххи. - Шупашкар, 1997; 2005;
  • Аслă классенче «Паллă ячĕсем» темăна вĕрентнĕ май ачасен пуплевне аталантарас тĕлĕшпе ĕçлесси // Сборник научных трудов студентов, аспирантов и докторантовĕ - Чебоксары, 1998. - Вып. 4;
  • Чăваш чĕлхи урокĕсенче Е.Ф. Васильевăн ĕçĕсемпе усă курасси // Елизавета Федоровна Васильеваĕ - Чебоксары, 1999;
  • Роль нетрадиционных уроков в обучении детей // Проблемы изучения и преподавания филологических наук. - Стерлитамак, 1999. - Часть 4;
  • Чăваш чĕлхи урокĕсенче ачасене тĕрĕс çырма хăнăхтарасси // Чувашский язык и литератураĕ Теория и методика. - Шупашкар, 1999;
  • Чăваш чĕлхе методики // Программы факультета чувашской филологии. - Шупашкар, 1999; Педагогическая практика. - Чебоксары, 2002. - 90 с.; Чăваш чĕлхе методики. Практика занятийĕсемпе меслет кăтартăвĕсем. - Шупашкар, 2002. - 57 с.;
  • Лексико-стилистическая работа на уроках чувашского языка в связи с изучением имени прилагательного // Чувашский язык и литература: теория и методика. - Чебоксары: ЧГПУ им. И.Я. Яковлева, 2003. - с. 97-111;
  • Чăваш чĕлхи. Чăваш филологи факультетне вĕренме кĕме хатĕрленекен абитуриентсем валли. - Шупашкар, 2004. - 120 с.