Хопёр (юханшыв)

Хопёр, — Донăн сулахай юппи, Пенза, Саратăв, Воронеж, Волгоград облаçĕсен тăрăх юхать. Тăршшĕ 979 çухрăм, бассейн лаптăкĕ 61,1 пин çх². Сарлакăшĕ вырăн-вырăнĕпе 100 метра çитет, тарăнăшĕ — 7 метр таран. Юханшыв тĕпĕ хăйăрлă, юхăмĕ хăвăрт.

Атăлçи сăртлăхĕнче юхма пуçлать те Усть-Хопёрскăй станица патĕнче Дона юхса кĕрет.

Ытларах енĕпе юр шывĕпе тулать. Ака-çу уйăхĕсенче çыранран тухать.

Пысăк юпписем: Ворона, Савала, Сердоба, Бузулук.

Çĕнĕ Хопёрскран пуçласа юханшыв тăрăх кимĕсем ишеççĕ. Юханшыв хĕрринче Балашов, Çĕнĕ Хопёрск, Урюпинск хулисем вырнаçнă.