Чăваш Республикин Министрсен Кабинечĕ

Чăваш Республики Министăрсен кабинечĕ — Чăваш Республикин ĕç тăвакан влаçĕн аслă органĕ. Чăваш Республикин патшалăх влаçĕн яланхи ĕçлекен коллегиллĕ ĕç тăвакан аслă органĕ пулать. Юридици пайăр правиллĕ, Чăваш Республикин герб пичечĕ пур. Чăваш Республики министерствисен, патшалăх комитечĕсен тата ĕç тăвакан урăх органсен ĕçлĕхне йĕркелет.

Чăваш Республикин Министрсен кабинечĕн пуçлăхĕ — И.Б. Моторин.

Право ĕç-пуçĕн никĕсĕ

Чăваш Республикин Министăрсен кабинечĕ хăйĕн ĕç-пуçне Раççей Федераци Конституцине, федераци саккунĕсене, Раççей Федераци Президенчĕн хушăвĕсене тата Раççей Федерацин норма правиллĕ урăх акчĕсене, Чăваш Республикин Конституцине, Чăваш Республикин саккунĕсене, Чăваш Республики Президенчĕн хушавĕсене тата Чăваш Республикин норма право акчĕсене пăхăнса тытса пырать.

Чăваш Республикин Министăрсен кабинечĕ хăйĕн ĕç-пуçĕнче çак принципсене пăхăнса ĕçлет:

• Раççей Федераци Конститцийĕн, федераци конституцийĕн саккунĕсен, федераци саккунĕсен аслăлăхĕ;
• гласность;
• Çынпа гражданинăн правипе ирĕклĕхне тивĕçтересси.
• халăхвлаçлăхĕ;
• федерализм;
• влаçсене уйăрас;
• яваплăх;
• демократи;

Министрсен кабинечĕн йышĕ

Чăваш Республикин Министăрсен кабинечĕ шутне Чăваш Республикин Министăрсен кабинечĕн Ертӳçи, Чăваш Республикин Министрсен кабинечĕн Ертӳçи çумĕсем (виçĕ пĕрремĕш çумĕ), Чăваш Республикин министрĕсем, Чăваш Республики Президенчĕн Администрацийĕн ертӳçи, Раççей Федераци Президенчĕ çумĕнчи Чăваш Республикин пур енлĕ элчи кĕрет.

• Чăваш Республикин шалти ĕçсен министерстви;
• Чăваш Республикин хула тăвас тата этем пĕрлĕх инфроструктурин аталану министерстви;
• Чăваш Республикин сывлăха сыхлассипе социаллă аталану министерстви;
• Чăваш Республикин пурлăхпа çĕр тытăмĕн министерстви;
• Чăваш Республикин ял-хуçалăх министерстви;
• Чăваш Республикин культура, наци, информатика политикин тата архив ĕçĕн министерстви;
• Чăваш Республикин çутĕç тата çамрăксен политикин министерстви;
• Чăваш Республикин çутçанталăк пурлăхĕпе экологи министерстви;
• Чăваш Республикин промăçлăхпа энергетика министерстви;
• Чăваш Республикин физкультура, спорт тата çулçӳрев министерстви;
• Чăваш Республикин финансă министерстви;
• Чăваш Республикин экономика аталанăвĕпе сутă-илӳ министерстви;
• Чăваш Республикин юстици министерстви;
• Чăваш Республикин граждан хӳтĕлевĕпе ятарлă лару-тăру патшалăх комитечĕ;
• Чăваш Республикин ветеринари патшалăх хĕсмечĕ;
• Чăваш Республикин çыхăнупа хыпар патшалăх комитечĕ;
• Чăваш Республикин сунар тата пулă ĕçлĕхĕсен патшалăх хĕсмечĕ;
• Чăваш Республикин халăха ĕçпе тивĕçтерес патшалăх хĕсмечĕ;
• Раççей Федераци Президенчĕн Чăваш Республикинчи пур енлĕ элчи;
• Чăваш Республикин тарифсен республика хĕсмечĕ.

Каçăсем

• worldstatesmen.org Chuvash(акăлч.)
• Чăваш Республики Министăрсен кабинечĕн сайчĕ;
• Чăваш Республикин Конституцийĕ;
• «Чăваш Республикин Министăрсен кабинечĕ çинчен» Чăваш Республикин саккунĕ.

Ку вĕçлемен статья. Эсир статьяна тӳрлетсе тата хушса проекта пулăшма пултаратăр. Çак асăрхаттарнине май пулсан тĕрĕсреххипе улăштармалла.