Татăк

Ку терминăн урăх пĕлтерĕшсем пур, Татăк (пĕлтерĕшсем) пăхăр.

Татăк.

• Геометрире — тӳрĕ йĕрĕн икĕ енчен пăнчăсемпе чикĕленсе тăракан пайĕ.

Татăк

• Математикăлла анализра: Хисепсен (координатсен) йĕрĕн татăкĕ (урăхла хисепсен татăкĕ, сегмент) вăл — чăн хисепсен $\{x\}$ йышĕ, енчен те $a\leq x\leq b$. Малтанах палăртса хунă $a$ тата $b$ чăн хисепсене $(a<b)$ кунта татăкăн вĕçĕсем (чикĕри пăнчисем) теççĕ. Ытти $x$ хисепсене, — вĕсемшĕн $a<x<b$, — татăкăн шалти пăнчисем теççĕ.

Татăка $[a,b]$ пек кăтартаççĕ:

$[a,b]=\{x\in \mathbb {R} \mid a\leq x\leq b\}$.

Хуть те мĕнле татăк та, палăртав тăрăх, чăн хисепсен йышĕн пайĕ. Татăк хупă хушăк пулса тăрать.

$b-a$ хисепе $[a,b]$ татăкăн тăршшĕ теççĕ.