Сăвă хапи

Ку ăнлава Сăвă виçи тенипе пăтраштармалла мар

Ку терминăн урăх пĕлтерĕшсем пур, Хапа (пĕлтерĕшсем) пăхăр.

Сăвă хапи — уйрăм сăвă виçин (метрĕн) реализацийĕ, унăн харпăр вариацийĕ. Сăмахран, ямб сăвă виçи икĕ картлă, виçĕ картлă, тăватă картлă, пилĕк картлă т.ыт.те пулма пултарать. Акă икĕ тĕслĕх:

 
Инçе çинçе уйра уяр
Карталанса чăлтăртатать,
Енчен енне çупса чупать...

— Çеçпĕл Мишши, «Инçе çинçе уйра уяр...» XXX

 
Тăван çĕршыв чĕлхин малашнехи çинчен
Шухăшласа пуçа тĕрлĕ шухăш килсен, —
Сан иртнĕ ĕмĕрӳ, çĕре кĕнĕ поэт,
Чуна пăчăртаса ялан аса килет.

— Çеçпĕл Мишши, «Чăваш поэтне Ахаха асăнса» XXX

Икĕ сăвă. Иккĕшне те ямб виçипе çырнă. Анчах та малтанхинче тăватă картлă ямб, иккĕмĕшĕнче — ултă картлă ямб. Йĕркери картсен шучĕ тĕрлĕрен, çапла вара вĕсен хапи те пĕр-перинчен уйрăлса тăрать.

Вуламалли

• Размер стихотворный // Литературная энциклопедия терминов и понятий / Под ред. А. Н. Николюкина. — Институт научной информации по общественным наукам РАН: Интелвак, 2001. — Стб. 847 — 1596 с. — ISBN 5-93264-026-X.
• Размер стихотворный // Словарь литературоведческих терминов / Ред.-сост.: Л. И. Тимофеев и С. В. Тураев. — М.: «Просвещение», 1974. — С. 308—309. — 509 с. — 300 000 экз.

Каçăсем

• Comprehensive list of feet and colas up to 12 syllables long 2021 ҫулхи Ҫу уйӑхӗн 20-мӗшӗнче архивланӑ.
• Prosody Tutorial by H.T. Kirby-Smith