Роже Вадим
Роже Вадим (фр. Roger Vadim; 1928—2000) — франци кинорежиссёрĕ, сценарист, артист тата продюсер.
| Роже Вадим | |
| Гражданлăх: | Шаблон:Флагификаци |
|---|---|
| Професси: | режиссёр |
| Карьера: | 1950—1997 |
| IMDb: | ID 0671862 |
Кун-çулĕ
тӳрлетРоже Вадим (паспортпа — Роже Владимир Племянников) 1928 çулхи кăрлачăн 26-мĕшĕнче Парисра çуралнă. Ашшĕ, Игорь Николаевич Племянников, франци дипломачĕ пулса Икĕпатра, Турцире ĕçленĕ, çав патшалăхсенче Роже Вадимăн ачалăхĕ иртнĕ. Амăшĕ — актриса Мария-Антуанетта Ардилуз. Ашшĕ çĕре кĕрсен амăшĕпе пĕрле Францие пурăнма куçать.
1944—1947 çулсенче артист ăсталăхне вĕреннĕ хыççăн театăрта пысăках мар рольсене сăнарлать. Çак вăхăтрах вăл роман çырать те Андре Жида кăтартать. Литература хайлавне тиркенĕ пулсан та, Жид ăна Марк Аллегре режиссёрпа паллаштарать. Вадим вара ассистент тата сценари авторĕ пулса ĕçлет. Çав хушăрах вăл «Пари Матч»-ра — журналист. 1952 çулта Брижит Бардо артиста качча илет. Пĕрремĕш кинофильмĕ «Турă вара хĕрарăма туса хучĕ» (1956) Бардопа Жан-Луи Трентиньян артистсемпе Вадима тӳрех паллă тăвать. 1957 çулта вĕсен пĕрлĕ пурнăçĕ арканать.
1958 çулта Роже Вадим дани артистне Аннетт Стройберга арăм тăвать. Аннетт «Хăрушă хутшăнусем-1960» тата «Киленĕçрен вилсе каясси» фильмсенче вылять. Тепĕр икĕ çултан вĕсем уйрăлаççĕ.
1960 çулта вăл 17-çулхи Катрин Денёвпа паллашать, тепĕр хушăран хĕр унăн хваттерне пурăнма куçать. Денёв «Çылăх тата ырлăх» фильмĕнче вылять.
Денёвпа уйрăлсан Вадим Джейн Фондăпа тĕл пулать, икĕ хутчен ăна хăйĕн ӳнер ĕçĕсене хутшăнма сĕнет. 1965 çулта вĕсем мăшăрланаççĕ, 1973 çулта уйрăлаççĕ. Фонда «Каруççел», «Тупăç» тата «Барбарелла» фильмĕсенче вылять.
1980-мĕш çулĕсен пуçламăшĕнче Роже Вадим американ фильмĕсенче вылять, телефильмсене («Чиперкке тата юхха» фильмне Клаус Кински хутшăннă) ӳнерлет, спектакльсем лартать. Юлашки çулсенче литература ĕç-пуçне кĕрсе каять, унăн темиçе кĕнеки çута тухать.
2000 çулхи нарăсăн 11-мĕшĕнче Парисра ĕмĕрлĕхех куçне хупать.
Фильмографи
тӳрлетРежиссура
тӳрлет- 1956 — Турă хĕрарăма тунă / Et Dieu… créa la femme
- 1957 — Нихçан та пĕлместĕн / Sait-on jamais…
- 1958 — Уйăх çутти ювелирĕсем / Les Bijoutiers du clair de lune
- 1959 — Опасные связи-1960 / Dangerous Liaisons 1960
- 1960 — И умереть от наслаждения / Et mourir de plaisir
- 1960 — Отпустив поводья / La Bride sur le cou
- 1962 — Отдых воина / Le Repos du guerrier
- 1963 — Порок и добродетель / Le Vice et la vertu
- 1963 — Замок в Швеции / Chateau En Suede
- 1964 — Каруçел / La Ronde
- 1968 — Барбарелла / Barbarella
- 1971 — Если ты веришь, девчонка / Pretty Maids All in a Row
- 1974 — Вĕлернĕ хĕр / La Jeune fille assassinée
- 1973 — Дон Жуан-73 / Don Juan 73
- 1983 — Вечеринка с сюрпризами / Surprise Party
- 1988 — И Бог создал женщину / And God Created Woman
Каçăсем
тӳрлет- Роже Вадим(акăлч.) Internet Movie Database сайтĕнче