Нуль-вектор

Нуль-вектор — пуçламăшĕпе вĕçĕ пĕр пăнчăрах вырнаçнă вектор. Нуль-векторăн норми 0, ăна ${\vec {0}}$ е $\mathbf {0}$ пек паллă тăваççĕ.

Нуль-вектор Гильберт уçлăхĕнчи кашни пăнчă хăй патнех пынине кăтартакан çавахлăхла куçăма палăртать.

Нуль-векторпа уçлăхри нимĕнле ен кăтартăвĕ те çыхăнман. Ун пирки хуть те мĕнле вектора та коллинеарлă тесе шутлаççĕ. Нуль-вектор уçлăхри хуть те мĕнле вектора та пĕр харăссăн коллинеарлă тата ортогоналлĕ теме пулать (ку палăртавран çăмăллăнах тухса тăрать).

Нуль-векторăн координачĕсем кашни аффинла тытăмрах нульпе танлашаççĕ.

Линилле алгебра енчен пăхсан, линилле уçлăхра ятарлă ${\vec {0}}$ вектор пулма тивĕçлĕ, унăн палăрăмĕсем çапла:

${\vec {a}}+{\vec {0}}={\vec {a}}$

Кашни $c$ чăн хисепшĕн:

$c\cdot {\vec {0}}={\vec {0}}$

Кашни ${\vec {a}}$ векторшăнах çавăн пек $-{\vec {a}}$ вектор тупăнать, хăшĕнче:

${\vec {a}}+(-{\vec {a}})={\vec {0}}$.

Çавăн пекех

• Нейтраллă элемент
• Нуль

Вуламалли

• Винберг Э.Б. курс высшей алгебры. М.: Факториал, 2001