Джо Дассен

Джо Дассе́н (фр. Joe Dassin; тулли ячĕ Джо́зеф А́йра Дассе́н, акăл. Joseph Ira Dassin; чӳк, 5 1938 — çурла, 20 1980) — франк-чĕлхиллĕ американ юрăçи тата мусăкçă.

Кун-çулĕ

Джозеф Айра Дассен (ун чухне Да́ссин) 1938 çулхи чӳкĕн 5-мĕшĕнче Çĕнĕ Йоркра пулас паллă Жюль Дассен режиссёрпа Беатрис Лонер (Béatrice Launer) венгр сĕрме купăсçи еврейсен çемьинче çуралнă. Унăн аслашшĕ еврей пулнă, Одессăран тухса килнĕ. Маккарти вăхăтĕнче «охоты на ведьм» семья çемьипех АПШ-ран Европăна куçнă. Джозеф Швейцарири Ле-Розей колледжĕнче вĕреннĕ, кайран Америкăна таврăннă, унта вара Мичиган штатĕнчи Анн-Арбор университĕнче вĕреннĕ. 1958 çулта унăн ашшĕ Жюль Дассен режиссёр ывăлне Джина Лоллобриджида хутшăннă «Саккун» фильм валли темиçе юрă çырса пама ыйтнă. 1959 çулта çак юрă дискĕ Versailles фирминче тухнă. 60-мĕш çулсенче ăна пĕрремĕш ăнăçу килет: Les Dalton, Guantanamera, Siffler sur la colline тата Les Champs-Élysées.

Çитес вунçуллăхра вăл халăх кăмăлланă юрăсене — L’Amérique, Le Moustique, Si tu t’appelles mélancolie, L'Été indien тата Le Café des trois colombes — çырса кăларать. Джо Дассен хăйĕн ĕçĕсене тĕрлĕ чĕлхепе — франци, акăлчан, нимĕç, испан, итал тата грек — хайлать. Пĕрремĕш ывăлĕ, Джошуа, ытла иртерех çуралнăран пиллĕк кун пурăнсан вилет. 1977 çулта вăл уйрăлать, каллех Кристи́н Дельво́на качча илет, вĕсен иккĕ ывăла, Джонатана тата Жюльена, çут тĕнчене параççĕ.

Юрăçăн чĕри 1980 çулхи çурлан 20-мĕшĕнче Таитире каннă вăхăтра татăлса каять. Лос-Анджелесри Hollywood Forever çавин еврей пайĕнче пытарнă.