Вăлта — çекĕл /вырăсла удочка/. Вăлт-ултала сăмахран. Качаллă çекĕле çиппе патак çине çакнă пулă тытмалли ĕç хатĕрĕ. Чи малтанхи пулă тытмалли хатĕр вăлта пулнă тĕççĕ. Ун пирки археологсем те, ăсчахсем те çирĕплетсех калаççĕ.

Вăлтапа пулă тытакансем

Вăлтан аври — йӳнчи, çиппи—хĕлĕхĕ, путăшĕ, вăлти-ăманĕ, путаркăçĕ-тăхланĕ пур. Вăлтан аврине ытларах чухне йывăçран тăваççĕ. Халĕ промышленность вăлта аврине тума пластик усă курать. Çавăн пекех йӳнчине тимĕртен те шăмăран та хăш-пĕр чухне тăваççĕ.

Вăлтин — çекĕлĕ, кучанĕ, çĕрри-унки пур, çекĕлĕ çинче - чĕмĕ, качи, шăлĕ. Вăлта хĕлĕхне çĕрри витĕр тăхăнтартса çыхаççĕ. Вăлта çине ăман е урăх илĕртмĕш лартса пулă тытаççĕ. Пулăçсем паянхи кун та вăлтапа усă кураççĕ. Вăлтапа кимĕ çинчен, çыран хĕрринчен, хĕлле пăр шăтарса пулă тытаççĕ.