Антонова Мария Михайловна

Антонова Мария Михайловна (1938.2.12, Алькеш) — суту-илӳ ӗҫне йӗркелекен.

1979 ҫулта вӑл РСФСР тава тивӗҫлӗ суту-илӳ ӗҫченӗ ята тивӗҫнӗ.

Кун-ҫулӗ

Мария Михайловна 1938 ҫулхи нарӑсӑн 12-мӗшӗнче Алькеш салинче ҫуралнӑ.

1963 ҫулта Шупашкарти коопераци техникумне вӗренсе пӗтернӗ. 1971 ҫулта Мускаври коопераци институтне вӗренсе пӗтернӗ.

1958–1962 ҫулсенче Кӳкеҫ райповӗн лавккисенче ӗҫленӗ, 1963–1968 ҫулсенче Шупашкар райпотребпӗрлӗхӗнче товаровед пулнӑ. 1969–1984 ҫулченче «Коопунивермаг» директорӗ пулса ӗҫленӗ.

1985–1986 ҫулсенче Кӳкеҫри уйрӑммӑн сутакансен пӗрлӗхӗн директорӗ пулнӑ, 1987–1994 ҫулсенче — Кӳкеҫ райповӗн Тренькассинчи лавккан заведующийӗ.

Вуламалли

Энциклопедия Чебоксарского района. — Чебоксары: Центральная библиотека Чебоксарского района, Т. 1. — 2014 (Чувашия). — 505, [3] с. — 64 с.