Хушма ят

Хушма ят — çын хăйне валли хăй шутласа тупнă ят. Урăхла ăна псевдоним теççĕ. Чăвашсем хушшинче хушма ятсемпе ытларах çыравçăсем, сăвăçсем, артистсем, политика ĕçлевçисем усă кураççĕ.

Паллă чăваш çыравçисен хушма ячĕсем

• Илле Тăхти — Илья Ефимович Ефимов;
• Иван Мучи — Иван Илларионович Илларионов;
• Хумма Çеменĕ — Семен Фомич Фомин;
• Уйăп Мишши — Михаил Данилович Шумилов;
• Мĕтри Кипек — Афанасьев Дмитрий Афанасьевич;
• Хветĕр Уяр — Федор Ермилович Афанасьев;
• Çеçпĕл Мишши — Михаил Кузьмич Кузьмин (каярахпа Çеçпĕл чăн хушамат пулса тăрать)
• Петĕр Ялкир — Пётр Алексеевич Тихонов;
• Юхма Мишши — Михаил Николаевич Ильин (паянхи кун Юхма — чăн хушамат).
• Петĕр Хусанкай — Пётр Петрович Казанков (каярахпа Хусанкай чăн хушамат пулса тăрать).
• Николай Ют — Золотов Николай Яковлевич çыравçă.
• Аркадий Арис — Золотов Аркадий Иванович çыравçă.

Хăш-пĕрисен хушма ячĕсем, çынсен кăмăлĕпех, чăн ята та куçаççĕ; çавна кура вĕсен ачисем те усă кураççĕ.