Балкан вăрçисем
Балкан вăрçисем — Пĕрремĕш тĕнче вăрçи умĕн пулса иртнĕ икĕ вăрçă. Пĕрремеш вăрçă 1912-1913 çулсенче, иккĕмĕшĕ 1913 çулта пулса иртнĕ.
Пĕрремĕш Балкан вăрçи турккăсенчен ирĕке тухассипе çыхăннă. Серби, Черногори, Греци тата Болгари пĕр-пĕринче килĕшсе татăлса Балкан пĕрлĕхне йĕркеленĕ. Ку пĕрлешӳ турккăсене Европа континентĕнче хăваласа яма шут тытнă пулнă. Вăрçăна пĕтĕмлетнĕ хыççăн ку тĕллеве вĕсем пурнăçлама май тупни çинчен пĕлтерес пулать.
Иккĕмеш Балкан вăрçи çĕнтерӳçĕсем хушшинче сиксе тухнă. Ку хутĕнче пĕр енче Болгари пулнă, тепĕр енче вара — Серби, Греци, Румыни, Черногори тата Турци. Болгари вăрçăна выляса янă, пĕрремĕш вăрçăра тытса илнĕ чылай çĕре çухатнă. Турци Адрианопольпе ун çывăхĕнчи çĕрсене каялла тавăрнă.