Диалектологи: версисем пӗр-пӗринчен уйрӑлса тӑни

'''Диалектологи''', — чĕлхе ăслăлăхĕн [[вырăнти калаçу]]сене тĕпчесе вĕренекен пайĕ. Чăваш диалектологиĕ [[чăваш чĕлхи]]н вырăнти калаçăвĕсене, вĕсен уйрăмлăхĕсемпе пĕрпеклĕхĕсене пухса тĕпчет, ăнлантарса парать. Вырăнти калаçусенчи уйрăмлăхсем чĕлхен тĕрлĕ сийĕсенче (сăмах йышĕнче, [[сасă (лингвистика)|сасă]] тытăмĕнче, [[грамматика]] системинче) палăраççĕ. Çав уйрăмлăхсене пухса тĕпчесе диалектологи вĕсем мĕнле сарăлнине, вĕсен чиккисене палăртать. Тĕрлĕ уйрăмлăхсен чиккисем пĕрешкелпĕр пек килсе тухни чĕлхене вак ушкăнсем çине уйăрма май парать: [[диалект]], [[вырăнти калаçу]] ([[вырăс чĕлхи|выр.]] ''говор''), [[вак калаçу]] ([[вырăс чĕлхи|выр.]] ''подговор''). Вак калаçу — чи пĕчĕк территори йышăнакан диалект ушкăнĕ. Темиçе вак калаçу вырăнти калаçăва (говор) пĕрлешет, темиçе калаçу вара хăй пĕр [[диалект]]а (диалектсен классификацийĕнчи пысăк ушкăна) пĕрлешет.