Чăваш Ен (ракета катерĕ): версисем пӗр-пӗринчен уйрӑлса тӑни

'''''«Чăваш Ен»''''' (выр. «''Чувашия''») — [[1241 проекчĕн ракета катерĕсем|1241 проекчĕпе]] тунă РФ БФ йышĕнчи [[ракета катерĕ]] (НАТО классификаципе — Tarantul-class corvettes). Раççей флотĕнче 2015 çулченçулччен «Р-2» палăртупа хĕсметре тăнскерне «Чăваш Ен» ята панă<ref>[http://www.grani21.ru/node/88751 Ракетный катер нарекли «Чувашия»]</ref>.

«Чӑваш Ен» ракета катерне, унччен «Р-2» ятлӑ пулнӑскере, тӑшмансен ҫар карапӗсене тӗп тӑвас, пирӗн карапсене сывлӑшран тапӑнасран сыхлас тӗллевпе туса кӑларнӑ. Вӑл 1994 ҫулта ишме пуҫланӑ. 2006 ҫулта «Р-2» Балти флочӗн ҫар карапӗсен ушкӑнне кӗнӗ. 400 яхӑн тонна таякан катерӑн тӑршшӗ — 56 метр, сарлакӑшӗ — 10 метр. Карап 15 пине яхӑн миле (27780 ҫухрӑм) парӑнтарнӑ. <ref name=":0">Ҫамрӑксен хаҫачӗ, 2018-08-03, 4 стр.</ref> Раҫҫей ятӗнчен [[Дани|Данири]], [[Швеци|Швецири]], [[Финлянди|Финляндири]] портсенче иртнӗ уявсене хутшӑннӑ. 2015 ҫулта РФ Тинӗс ҫар флочӗн главнокомандующийӗ Виктор Чирков «Р-2» катера «Чӑваш Ен» ят парасси пирки хушу алӑ пуснӑ. Мӗншӗн ӑна шӑпах [[Чăваш Республики|Чӑваш республики]] ячӗпе чӗнме тытӑннӑ-ха? Кун пирки ЧР Пуҫлӑхӗ [[Игнатьев Михаил Васильевич|Михаил Игнатьев]] командовани патне сӗнӳпе тухнӑ. 2014 ҫулта Балти ҫарпа тинӗс бази ЧР Вӗрентӳпе ҫамрӑксен политикин, культура министерствипе пӗрле тачӑ ҫыхӑнса ӗҫлеме килӗшӳ алӑ пуснӑ. Унпа килӗшӳллӗн, Чӑваш республики «Р-2» ракета катерне шефствӑна йышӑннӑ. 2015 ҫулхи ҫӗртмен 12-мӗшӗнче ӑна савӑнӑҫлӑ лару-тӑрура «Чӑваш Ен» ят панӑ. [[Калининград облаçĕ|Калининград облаҫӗнчи]] [[Балтийск]] хулинче иртнӗ мероприятие ЧР-нчи делегаци те хутшӑннӑ. Палӑртмалла: Балти флотӗнче Раҫҫейри тӗрлӗ хулапа республика ячӗпе хисепленекен 10 яхӑн карап. <ref name=":0" /> Катерсене пӗр-пӗр регион ятне пани флотпа субъектсен ҫыхӑнӑвне ҫирӗплетет.