Тутарстанри чăваш ялĕсем: версисем пӗр-пӗринчен уйрӑлса тӑни

Хальхи [[Тутарстан]] Республики ăшĕнче историлле (авалтанхи, çĕнĕреххи) чăваш ялĕсен шучĕ 170 патнелле тесе шутлаççĕ (чăннипе ытларах та пулма пултатарать). Чылайăшĕ хутăш ялсем шутланаççĕ.

[[Хусан]] таврашĕнче хальхи [[вăхăт]]ра, [[XXI ĕмĕр]]те, чăваш ялĕсем пачах та çук теме те пулать, анчах та вĕсем, çапах та, пур. Унашкаллисене шутласа тухма хăрах алăри пÿрнесем те çителĕклĕ. Пурте [[Ешĕл Васан районĕ]]н Атăлăн çак енĕн пайĕнче вырнаçнă. Акă вĕсем: [[Новочувашски]] (59%), [[Ремплер]] (44%), [[Воронино (Тутарстан)|Воронино]] (28%), [[Новопольски]]. Хăлăпкасем ăшĕнче чăвашсен йышĕн шайне процентсемпе кăтартнă. Чăнлахшăн тата çакна каласа хăвармалла. Çак тăватă ялта нихçан та ачасене шкулта чăваш чĕлхине вĕрентсе курман пулас. Ăславçăсем унта тĕпчевсем ирттерме çÿремен, журналистсем те пыра-пыра кайман. Çавăнпа та вĕсенчи чăвашлăх шайне никам та тĕплĕн пĕлмест. Истори те чылай енчен тĕтреллĕ. [[Статистика]] кăтртăвĕсем çеç унта [[чăвашсем]] чăмăртанса компактлăн пурăннине систерсе тăраççĕ.