Тутиел: версисем пӗр-пӗринчен уйрӑлса тӑни

Тăван ялăм, савнă ТутиелĕмÇур çĕр иртсен çĕр çине эп килнĕ,Ман çăлтăрăм тÿпере йăл илнĕ.Тăван ялăм, савнă Тутиелĕм,Эс ман пурнăçăм, çутă тивлетĕм.Тутиелĕм – ачалăхăм сăпки,Пылак кунта тĕтĕмĕн те унки.Тăван енĕм – Тутарстан çĕршывĕ,Пăва тăрăхĕ – ман чун сиплевĕ.Тавраллах çырма-çатраллă ялăм,Вунă çуртлă çеç ман тăван кассăм.Умран Кĕрлевкĕ шывĕ шăранать,Аял касран Лащчă<ref>Лашчи.</ref> шывĕ юхать.Ун çулĕ - Лащ Таяпа ялĕнчен-Чăваш енрен, Лащчăпуç<ref>Лашчипуç.</ref> çумĕнчен,Тутиел çумĕпе юхса иртет,Чăваш Шуршуне, Чеçкепе çитет…Тракторсемпе пÿлсе Лащчă шывне,Пысăк пĕве пĕвеленĕ ятне.Пĕчĕк утрав та пур ун варринче,Чарлансем чÿхенеççĕ хум çинче.Кирек те мĕнле çанталăкра та,Шартлама хĕл сиввинче, çумăрта,Пулăçсем килеççĕ халь таçтан та,Чăваш енĕ те, Чĕмпĕрĕ кунта.Пĕчĕк пулин ялăм, Тутиелĕм,Пурнăçĕ хуларинчен те селĕм:Çулла ем-ешĕл çерем таврара,Çырли, пахча çимĕçĕ - пахчара.Выльăх-чĕрлĕхĕ те карта тулли,Аш-çу апачĕ сĕтел çи тулли.Кĕлетсенче – тырă: урпа,тулли…Пĕвере - çăрттан, сазан, карп пулли.Ял урамĕсене асфальт сарнă.Çутçанталăк газне çыхăнтарнă:Кăн-кăвак çулăм ăшăтать пÿрте,Вут-шанкă кирлĕ мар, вĕçмест кĕл те.Крана çеç пăр халь – сивĕ шыв килет,Тепĕр кранран - вĕри шыв пĕçертет.Нумайĕшĕн хăйсен пур машини,Лавккарах пур «кайăк сĕчĕ» тени.Тутиелĕм – ачалăхăм сăпки,Пылак кунта тĕтĕмĕн те унки.Тăван енĕм – Тутарстан çĕршывĕ,Пăва тăрăхĕ – ман чун сиплевĕ.05.04.2002<ref>[https://ok.ru/chuvashibu/topic/62008492501800 16, май, 2013 Алина Тайпи]</ref>