Лигурсем: версисем пӗр-пӗринчен уйрӑлса тӑни

[[Авалхи грексем|Грексем]] вара вĕсене хастар та хăйсене çирĕп тытакан, вăрçăра хăюллă тата тинĕсе тухма хăраман çынсем тесе палăртнă. Лигурсем тинĕс хĕрринчи çĕрсенче тата [[По (юханшыв)|По]] шывĕн айлăмĕнче çĕр ĕçĕпе аппаланнă, çаплах вăрман ĕçленĕ тата выльăх ĕрчетнĕ. Сутă-илĕвĕн тĕпĕ [[Генуя]] шутланнă, унта вĕсем выльăх, сăран-тир, пыл тата карап тумалли вăрман сутнă. Лигурсен ĕлĕк-авалхи кун-çулĕ пирки нимĕн те паллă мар. Ĕлĕкхи çыравçăсем лигурсем иберсене пăхăнтарнă, хăйсене кайран кельтсем кăларса янă пирки асăнмаççĕ. [[Юстин]] пĕлтернипе, [[Марсель]] хулана тунă чухне грексен лигурсемпе чылай кĕрешме тивнĕ, лăпкăлăх килĕшĕвне тума пултарнă. [[Пуни вăрçисем]] иртсен кăна тăнăç пурнăç пĕтет, лигурсем марселĕн пурăнан вырăнĕсене — Ницея ([[Ницца]]) тата [[Антиполис]] ([[Антиб]]) — тапăнаççĕ. Марсельсене пулăшма римсем тухаççĕ, Фульвий Флакк п. эрч. [[пирĕн эрăччен 125|125 çулта]] тата [[Секста]] Кальвин п. эрч. [[пирĕн эрăччен 120|120 çулта]] иртернĕ экспедицисем хыççăн Лигури пăхăнать, саллувисен çĕмĕрнĕ тĕп хули вырăнĕнче Aquae Sextiae (халĕ Э) кармана хăпартаççĕ. Альпă тинĕс çумĕнчи лигурсем кăна п. эрч. [[пирĕн эрăччен 14|14 çулчен]] ирĕклĕ пурăнаççĕ; çакăншăн вĕсем парăм тӳлеççĕ те Римран пуçлăха (praefectus Alpium maritimarum) йышăнаççĕ. Император [[Август]] çурçĕр-анăç Италинче [[Лигури]] провинцине туса хурать, унта хальхи [[Ницца]], [[Генуя]], [[Пьемонт]]ăн кăнтăр пайĕ, [[Парма|Пармăпа]] тата [[Пьяченца|Пьяченцăн]] анăç пайĕ кĕнĕ.