Мари чĕлхи: версисем пӗр-пӗринчен уйрӑлса тӑни

Çармăс чĕлхи виçĕ тĕп диалект çине пайланать — улăх, туçи тата тухăç калаçăвĕсем. Икĕ литература чĕлхи пур: [[улăх çармăс чĕлхи|улăх çармăспа]] [[туçи çармăс чĕлхи|туçи çармăс]] диалекчĕсем çинче никĕсленеççĕ. Вĕсем иккĕшĕ те [[XX ĕмĕр]] пуçламăшĕнче йĕркеленсе кайнă. Асăннă литература чĕлхисене пĕрлештерес тĕлĕшпе темиçе проект та йĕркелесе пăхнă, пĕри те ăнăçман. Çармăспа [[чăваш чĕлхи]] хăй вăхăтĕнче, вăтам ĕмĕрсенче, тачă çыхăнура тăнă. Çав хутшăнуран паян кунчченех çармăс чĕлхинче нумай чăваш сăмахĕпе ытти чĕлхе единици сыхланса юлнă. [[Федотов Михаил Романович|М.Р. Федотов]] словарĕ тăрăх, ун пек лексема хисепĕ 1 200 яхăн. Чăваш чĕлхинче 200 патне çармăс сăмахĕ пур.