[['''Александр Ильич Кушков]]''', 1939 çулта çуралнă. Патшалăх политика деятелĕ. Мускаври партин аслă шкулĕнчен вĕренсе тухнă хыççăн Александр Ильича Вăрнар райкомĕн пĕрремĕш секретарĕн тивĕçĕсене туса пыма шанаççĕ. Çав çулсенче хăйĕн ĕçне тĕплĕн пĕлнине, ялхуçалăх аталанăвĕн ыйтăвĕсене витĕр курса тăнине çирĕплетсе панă, ĕçе пĕлсе йĕркелесе пыма пултарнă. Ахальтен мар ĕнтĕ ăна ЧР Ялхуçалăх министрĕ, ЧР Патшалăх Совечĕн председателĕн çумĕ, ЧР Министрсен Кабинечĕн Председателĕн çумĕ пулма çирĕплетнĕ. Ку ĕçре вăл 1999 çулччен вăй хунă. 1999-2002 çулсенче Куславкка район администрацине ертсе пынă.
Ĕçре тăрăшса ĕçленĕшĕн А.И. Кушкова « ЧР тава тивĕçлĕ механизаторĕ», « Раççей ялхуçалăхĕн тава тивĕçлĕ ĕçченĕ» хисеплĕ ятсем парса чысланă. « Ĕçлĕх Хĕрлĕ Ялав», « Хисеп пали» орденсемпе наградăланă. Хисеп грамотисемпе чыс тунă. Вăл ЧР Аслă Совечĕн депутачĕ пулнă.
