[[Элĕк]]ри икĕ класлă шкулта, [[Чĕмпĕр чăваш шкулĕ]]нче пĕлӳ пухнă. «[[Канаш (хаçат)|Канаш]]» [[хаçат]]па «[[Сунтал (журнал)|Сунтал]]» [[журнал]] редакторĕ тата çыравçасемпе журналистсен «[[Канаш (çыравçăсен пĕрлĕхĕ)|Канаш]]» пĕрлĕхĕн ертӳçи пулнă.
== Золотов хушамат пуçланса кайни ==
Çак хушаматпа хăйсене палăртассиччен Синер ялĕнчи чаплă ăрăвĕн темиçе хушаматлă çемьесем пулнă: Гордеевсем, Васильевсем, Николаевсем... Василий Гордеевич хăйсен тăванĕсем умĕнче çапла сăмах тытнă: <blockquote>" ... Пирĕн пысăк ăру ӳссе-саралса пырать. Хĕрарăм йĕррипе те, арçын йĕррипе те çĕнĕрен те çĕнĕ турачĕсем çитĕнеççĕ. Хамăрăн тăван çыхăнăвĕсене палăртма, тăванлăхри хутшăнусене çирĕплетме пĕрлĕхлĕ хушамат кирлех. Çак хушамат Золотов пултăр..."</blockquote>
Мĕншĕн вăл çапла хушамата суйласа илнĕ?
Василий Гордеевич Гордеев [[XX ĕмĕр]]ĕн пуçламăшĕнче Хумпуç-Патăрьел шкулĕнче ĕçленĕ чух шкула тĕрĕслеме [[Яковлев Иван Яковлевич|И. Я. Яковлев]] пынă. Иван Яковлевич шкулти ĕçсемпем паллашнă, ăна кунта пур енчен те килĕшнĕ, уйрăмах ăна В. Г. Гордеев çамрăк вĕрентӳçĕн пултаруллă ĕçĕ илĕртнĕ. <blockquote>"Ылтăн çын эсир, Василий Гордеевич! Сирĕн ĕçсемпе паллашсан чун савăнать",</blockquote> — тенĕ вара хальхи чăваш çырӳллăхĕн патриархĕ. Çак мухтава асăнса-хисеплесе ĕнтĕ Золотов хушамат çуралать.
