Шурă Шупашкар, — Шупашкар гимнĕ. 2001 çулхи çĕртме уйăхĕн 14 Шупашкар хула депутачĕсен пухăвĕ йышăннă, Г. Максимов кĕвĕленĕ, Кипеч сăвăланă «Шурă Шупашкар» юрă Шупашкар хула гимнĕ пулса тăнă.
- Шурă Шупашкар
- Несĕлсем савса ят панă,
- Шупашкарăмăр, сана.
- Пурнăçра ялан упранă
- Сан ятна та сан чысна.
- Шурă, шурă Шупашкарăм
- Шурă шупăр тăхăнсан.
- Эх, илемлĕ эс, хуламăр,
- Хамăр ырă пулнăран.
- Акăш евĕр курăнатăн
- Анлă Атăл хĕрринче,
- Çирĕп шанчăк çрататăн
- Ӗçлĕ халăх чĕринче.
- Шурă, шурă Шупашкарăм
- Шурă шупăр тăхăнсан.
- Эх, сăпайлă эс, хуламăр,
- Хамăр сапăр пулнăран.
- Тăвалла пулсан та харсăр
- Утмалла сан малалла.
- Ут, хуламăр, ывăнмасăр –
- Улăп йăхĕ санпала.
- Шурă, шурă Шупашкарăм
- Шурă шупăр тăхăнсан.
- Эх, мăнаçлă эс, хуламăр,
- Хамăр сумлă пулнăран.
- Шупашкар! Шупашкар!
|
