Ур (авалхи хула)

Ку терминăн урăх пĕлтерĕшсем пур, Ур (пĕлтерĕшсем) пăхăр.

Ур'шумерсен Икшывхушшинчи авалхи хулисенчен пĕри. Ур хальхи Иракăн кăнтăрĕнче, Евфратран анăç енче вырнаçнă.

Ур номĕ тӳрлет

Ном Ур (шум. Урим, халĕ Телль-эль-Мукайяр) Евфрат шывĕн кӳлмекĕ çумĕнче вырнаçнă. Çак ном шутне, Ур хулисĕр пуçне, Эриду (халĕ Абу-Шахрайн), Муру тата Эль-Обейд сăрчĕ айне кайнă (унăн шумер ятне палăртайман) пурăну вырăнĕ кĕнĕ. Урăн пĕрлĕх турри Нанна шутланнă. Эриду хулинче Энки турра этепленĕ.

Ур историйĕ тӳрлет

Хулана пирĕн эрăччен V пинçуллăх çулĕсенче никĕсленĕ. Урăн çӳллĕ чап тапхăрĕ пирĕн эрăччен III пинçуллăхра, Малтанхи Ăрулăх тапхăрĕнче (пирĕн эрăччен 3000 — 2400 ç.ç.). Çакăн хыççăн хăвачĕ чакать пулин те, Ур 3-мĕш ăру тапхăрĕнче (пирĕн эрăччен XXI ĕмĕр) каллех аталанма тытăнать. Çак ăрăва никĕслекенĕ — Ур-НаммуУйăха хисеплекен Нанну турă валли питĕ пысăк зиккурат туса лартать.

Малтанхи Ăрулăх тапхăрĕнче 3 пайĕнче Ур хулине Урăн лугалейсен I-мĕш ăрăвĕн тытăмĕнче пулнă

Урăн I-мĕш ăрăвĕн лугалĕсен «Патша шучĕсенче» çитменлĕхпе йăнăш чылай. Тӳрĕ тĕрĕс çырнипе çак ăрун 6 ят пулни паллă. Шучĕсем вĕсенчен тăваттăшне çеç çирĕплетеççĕ, тепĕр, Балулу ята, йăнăш пулас, асăнаççĕ.

Урăн I-мĕш династин хăвачĕпе пуянлăхне хула вырăнĕнче тупнă патша тупăкĕсем кăтартаççĕ. Ур лугалĕсен пуянлăхĕ храм çĕрĕсене туртса илнипе çеç мар, çаплах та сутă-илӳ ĕçĕсемпе те ӳссе пынă.

Вавилон тапхăрĕнче те Ур шумерсен сумлă хули шутланнă. Пирĕн эрăччен IV ĕмĕрте хулара пурăнакансем çанталăк климачĕ улшăннă сăлтавĕпе кунтан куçса кайнă.

Çавăн пекех пăхăр тӳрлет