Роми Шнайдер

Розмари Шнайдер Альбах-Ретти, ытларах Роми Шнайдер (ним. Rosemarie Magdalena Albach-Retty, Romy Schneider ятпа паллă; авăн, 23 1938, Вена (хула) — çу, 29 1982, Парис) — австри киноартисчĕ, австри тата франци синематографи çăлтăрĕ.

Роми Шнайдер
Romy Schneider
Çуралнă вăхăт:	авăн, 23 1938
Çуралнă вырăн:	Вена, Австри
Вилнĕ вăхăт:	çу, 29 1982
Вилнĕ вырăн:	Парис, Франци
Гражданлăх:	Франци
Професси:	артист
IMDb:	ID 0002769

Кун-çулĕ

Роми Шнайдер 1938 çулхи авăн, 23 Венăра, австри киноçăлтăрĕ Магда Шнайдерпа австри артисчĕ Вольфа Альбаха-Ретти çемйинче çуралать. Розмари пĕртен-пĕр ача пулнă. Роми тăватă çул тултарсан, ашшĕпе амăшĕ уйрăлаççĕ, хĕрачана интерната вырнаçтараççĕ, унта вăл лайăх пĕлӳ пухать. Пĕрремĕш хут кинора 1953 çулта, « Каллех шурă сирень чечеке ларсан» фильмра вылять. Кайран Австрипе Германире вылянтаракан фильмсене хутшăнать. XX ĕмĕрĕн 60-мĕш çулĕсен пуçламăшĕнче Италин, Аслă Британин, Францин, АПШ-н паллă кинорежиссёрĕсен фильмĕсене хутшăнать.

Роми Шнайдер 1959 çулта Ален Делонпа пĕрле «Кристина» фильмра вылять. Фильм ӳнер ĕçĕсем иртсен Роми Шнайдерпа Ален Делон йеркĕнсем пулса юлаççĕ, анчах та 1963 çулта Делон Ромине пăрахса хăварать. Уйрăлăва чĕре çумне илсе, Роми çут тĕнчерен уйрăлса каясшăн пулнă.

Роми Шнайдер нимĕç артисчĕ тата режиссёрне Гарри Мейена качча тухать те 1967 çулта Тавит ывăла çуратать. 1975 çулта вĕсем уйрăлаççĕ, 1979 çулта Гарри Мейен хăй çине ал хурса пурнăçран уйрăлать.

Ромин иккĕмĕш упăшки хăйен секретарĕ, Даниэль Бьязини, пулать. Вĕсен хĕрĕ — Бьязини Сара — çитĕнсен киноартист пулса тăрать.

1981 çулхи утă, 5 Роми Шнайдерăн ывăлĕ — Тавит — сарăмсăр вилет. Роми депрессие кĕрсе эрех кĕленчи тĕпне пăхма тытăнать. Çавах та вăл «Малтанхи тĕпчев ĕçĕнче» тата «Сан-Сусири иртсе пыракан» фильмсенче ĕçлет.

1982 çулхи çăвăн 29-мĕшĕнче, «Сан-Сусири иртсе пыракан» çĕнĕ фильмĕн пĕрремĕш кăтартăвĕччен, Роми Шнайдер хăйĕн парис хваттерĕнче вилет. Официаллă версипе Ромин чĕри çурăлса кайнă. Роми Шнайдера Буасси çăвине, Парисран 50 çм, пытарнă. Юлашки çула ăсату тăрмашăвне хăй çине илнĕ Ален Делон хистенипех, Роми Шнайдер ывăлĕн Тавитăн вилтăприне амăшĕн масар вырăнĕпе юнашар пытарнă.

Артист астăвăмне 1990 çултанпа Австрире «Роми» пултарулăх теле- парнепе чыслаççĕ. «Warner Brothers» компани 2009 çул тĕлне «Роми евĕр хĕрарăм» автобиографи фильмĕн пĕрремĕш кăтартăвне хатĕрлет. Роми тĕп рольне Ивонн Каттерфельд нимĕç юрăç-артистне выляма палăртнă.

Чыслани

• «Сезар» кинопарне, «Юратни — паха» (1975) хĕрарăм тĕп рольне паха сăнарланăшăн
• «Сезар» кинопарне, «Кашнин хăйĕн шанчăк»(«Ахаль истори») хĕрарăм тĕп рольне паха сăнарланăшăн.

Фильмографи

1. 1953 — Шурă сирень каллех чечеке ларсан
2. 1954 — Королева яшлăхĕ
3. 1955 — Сисси / Sissi
4. 1956 — Сисси — çамрăк императрица / Sissi — Die junge Kaiserin
5. 1957 — Сисси — роковые годы императрицы / Sissi — Schicksalsjahre einer Kaiserin
6. 1958 — Кристина / Christine
7. 1960 — На ярком солнце / Plein Soleil
8. 1961 — Комедия о Лисистрате
9. 1961 — Боккаччо-70 / Boccaccio '70
10. 1962 — Процесс
11. 1963 — Победители
12. 1963 — Кардинал
13. 1965 — Что нового киска?
14. 1968 — Бассейн / La Piscine
15. 1970 — Кам?
16. 1971 — Макс тата тимĕр витекенсем / Max Et Les Ferrailleurs
17. 1971 — Мелочи жизни
18. 1971 — Сезар тата Розали
19. 1972 — Людвиг / Ludwig
20. 1972 — Троцкие вĕлерни / The Assassination Of Trotsky
21. 1973 — Пуйăс / Le Train — Анна
22. 1974 — Урнă така / Le Mouton Enrage
23. 1974 — Главное — любить / L' Important C’Est D’Aimer
24. 1975 — Невинные с грязными руками / Les Innocents Aux Mains Sales
25. 1975 — Кивĕ пăшал
26. 1975 — Главное — любить, реж. А.Жулавский
27. 1976 — Мадо
28. 1976 — Чӳречери хĕрарăм, реж. Коста-Гаврас
29. 1978 — Ахаль истори / У каждого свой шанс
30. 1979 — Свет женщины / Clair de femme, реж. Коста-Гаврас — Лидия
31. 1979 — Вилĕм пирки тӳрĕ репортаж
32. 1980 — Банкирша / La Banquiere
33. 1981 — Под предварительным следствием / Garde A Vue
34. 1981 — Юрату ĕмĕлки / Fantasma d’amore
35. 1982 — Прохожая из Сан-Суси

Литература

• Г. В. Краснова. Роми Шнайдер. — Искусство, 1993. — ISBN 5-210-02071-1
• «Я, Роми Шнайдер. Дневник» / Сост. Р. Зайдель / Пер. с нем. Л. Крыловой. — М.: Зебра Е; СПб.: «Композитор» • Санкт-Петербург, 2011. — 296 с.
• «Делон и Роми: невозможная любовь» / Бертран Тессье / Пер. с фр. Т. Понятиной. — Нижний Новгород, ДЕКОМ, 2012. — 188 с.
• Г. В. Краснова. Роми Шнайдер. История жизни и любви. — Зеленая лампа, 2012. — ISBN 978-5-905629-28-0

Каçăсем

• Роми Шнайдер. Кун-çул. Фильмографи Oldcinema çинче. 2009 ҫулхи Пуш уйӑхӗн 24-мӗшӗнче архивланӑ.

Ку вĕçлемен статья. Эсир статьяна тӳрлетсе тата хушса проекта пулăшма пултаратăр. Çак асăрхаттарнине май пулсан тĕрĕсреххипе улăштармалла.