Миди чĕлхи
Миди чĕлхи' — авалхи Миди патшалăхĕн индоевропа чĕлхиллĕ халăхĕн чĕлхи. Çырнисем упранса юлман, перси тата авалхи грексен глосĕсен тексчĕсене хайланă миди чĕлхине шанăçлăнах çурçĕр-анăçри иран чĕлхисен шутне хураççĕ, çав шутрах вăл архаикă йĕрĕ-турчĕсене пула хăш-пĕр аспектсенче авести чĕлхине çывăхрах пулса тăрать. Çапах та чĕлхе пирки уçăмлă кăтартусем çук: тĕслĕхрен, пулнă-и пĕрлĕхлĕ миди чĕлхи е вăл авалхи тапхăртах тăванлă диалетсен пĕрлешĕвĕ çеç пулнă, мĕншĕн тесен миди чĕлхин хальхи несĕлĕсем —азери чĕлхи, курд чĕлхи, талыш чĕлхи, зазаки чĕлхи — питĕ уйрăлса тараççĕ.