Ленин палăкĕ (Шупашкар)

Республика лапамĕнчи Ленин палăкĕ (Шупашкар) — регион шайĕнчи архитектура палăкĕ.

Скульпторсем: А. И. Далиненко, В. И. Татарович, Г. Д. Ястребенецкий, Архитектор: Г. А. Израилевич.

Истори

Чăваш АССР Канашсен çурчĕ, Шупашкар. Ленин лапамĕ. 1987 çулхи фото.

Шупашкарта Ленин лапамĕнче В. И. Ленин палăкне 1960 çулхи çĕртмен 26-мĕшĕнче, Чăваш автономин 40-мĕш çуллăхне уявланă чухне, уçнă.

Чăваш Енри пĕрремĕш палăк-монумент шутланать. Ленина малалла утса пынă май сăнарланă. Палăк таврашĕнчи композици хулари пĕрремĕш пысăк шухăшласа илемлетнĕ центр пулса тăнă. Территорине аллейăсем, газонсем, чечек кумбисем тата йывăçсем лартнă.