Кинетикăлла энерги

Кинетикăлла энерги — уйрăм материаллă пăнчăн е материаллă пăнчăсен механикăлла тытăм пулса тăракан ушкăнĕн куçăмĕн виçине палăртакан скалярла функци; вăл çав материаллă пăнчăн е пăнчăсен хăвăртлăхĕсен модулĕсенчен тата массисенчен çеç килет. Куçнă чухне тивекен вăйсен ĕçĕ материаллă пăнчăн е пăнчăсен кинетикăллла энергине хушма каять.

Палăртнă тăрăх, $m$ массăллă материаллă пăнчăн кинетикăлла энергийĕ çапла пулать

$T_{i}={{m_{i}v_{i}^{2}} \over 2}$,

пăнчăн $v$ хăвăртлăхне яланах, чĕмсĕрлĕх йĕркипе е ятарласа палăртсах, çутă хăвăртлăхĕнчен чылай пĕчĕкрех тесе шутлаççĕ.

Материаллă пăнчăсенчен тăракан механикăлла тытăмăн кинетикăлла энергийĕ сумма пек çырăнать

$T=\sum {T_{i}}$,   е, тепĕр майлă,   $T=\sum {{m_{i}v_{i}^{2}} \over 2}$,

кунта $\ i$ индекс материаллă пăнчăсене нумерацилет.